തനിക്കെതിരായ ഹർജിക്ക് പിന്നിൽ തോമസ് ചാണ്ടിക്ക് പങ്കില്ലെന്ന് ഗതാഗത മന്ത്രി എ.കെ ശശീന്ദ്രൻ. എൻ.സി.പിയിലെ മറ്റാർക്കും ഇതിൽ പങ്കുണ്ടെന്ന് വിശ്വസിക്കുന്നില്ലെന്നും ശശീന്ദ്രൻ പറഞ്ഞു. ഹർജി സംബന്ധിച്ച് പാർട്ടിയിൽ അന്വേഷണം ആവശ്യപ്പെടില്ല. അന്വേഷണം ആവശ്യപ്പെടണമെങ്കിൽ അതിന് വേണ്ട തെളിവുകൾ തെൻറ കൈവശമുണ്ടാവണമെന്നും ശശീന്ദ്രൻ വ്യക്തമാക്കി. നേരത്തെ എ.കെ.ശശീന്ദ്രനെ ഫോൺകെണി കേസിൽ നിന്ന് ഒഴിവാക്കിയ കോടതി വിധിക്കെതിരെ ഹൈകോടതിയിൽ മഹാലക്ഷ്മി സ്വകാര്യ ഹരജി സമർപ്പിച്ചിരുന്നു. തോമസ് ചാണ്ടിയുടെ പി.എയുടെ വീട്ടുജോലിക്കാരിയാണ് ഹരജി നൽകിയതെന്ന വാർത്തകൾ ഇന്നലെ പുറത്ത് വന്നിരുന്നു. ഇതിന് പിന്നാലെയാണ് പ്രതികരണവുമായി ശശീന്ദ്രൻ രംഗത്തെത്തിയത്.
തനിക്കെതിരായ ഹർജിക്ക് പിന്നിൽ തോമസ് ചാണ്ടിക്ക് പങ്കില്ല – ശശീന്ദ്രൻ
RELATED ARTICLES