പെൺകുട്ടിയെ ആക്രമിക്കുന്ന ഞെട്ടിക്കുന്ന വീഡിയോ ദൃശ്യം ക്യാമറയിൽ പതിഞ്ഞു. ഒരു പെൺകുട്ടിയെ വീടിനുപുറത്തുവച്ച് ഒരാള്‍ കത്തിയുപയോഗിച്ച് കുത്തുന്ന ദൃശ്യങ്ങളാണ് സിസിടിവി ക്യാമറയില്‍ പതിഞ്ഞത്. കുത്തിയശേഷം ഇയാള്‍ ഓടി രക്ഷപ്പെടുന്നതും ദൃശ്യങ്ങളില്‍ കാണാമായിരുന്നു. ആശുപത്രിയില്‍ പ്രവേശിപ്പിച്ചെങ്കിലും പെണ്‍കുട്ടി പിന്നീട് മരിച്ചു. വ്യാഴാഴ്ച്ച വൈകുന്നേരം ഡൽഹിയിലാണ് സംഭവം നടന്നത്.
ഇരുവരും തമ്മില്‍ തര്‍ക്കത്തിലേര്‍പ്പെടുകയും യുവാവ് പിന്നീട് കത്തിയെടുത്ത് കുത്തുകയുമായിരുന്നു. മുന്‍പ് തന്നെ ക്രിമിനല്‍ കേസില്‍ പ്രതിയാണ് അക്രമി എന്ന് പൊലീസ് പറഞ്ഞു. ആദില്‍ എന്നാണ് ഇയാളുടെ പേരെന്നും നിരന്തരം മകളുടെ പിറകെ നടക്കാറുണ്ടെന്നും മാതാപിതാക്കള്‍ അന്വേഷണ സംഘത്തോട് വ്യക്തമാക്കി. പെൺകുട്ടി എയർ ഹോസ്റ്റസ് ആയി പ്രവർത്തിച്ചുകൊണ്ടിരിക്കുകയായിരുന്നു.
