ഇന്ത്യക്കും ചൈനയ്ക്കും നൽകിവരുന്ന സാമ്പത്തിക സഹായം നിർത്തലാക്കാൻ അമേരിക്ക തയാറെടുക്കുന്നു. വളരെ വേഗം വളരുന്ന സമ്പദ് വ്യവസ്ഥകൾ എന്ന നിലയിൽ ഇന്ത്യക്കും ചൈനയ്ക്കും നൽകിവരുന്ന സഹായം അവസാനിപ്പിക്കാൻ ആലോചിക്കുന്നതായി പ്രസിഡന്റ് ഡോണൾഡ് ട്രംപ് പറഞ്ഞു. ചൈനയെ ലോകത്തെ ഏറ്റവും വലിയ സാമ്പത്തിക ശക്തിയായി വളരാൻ സഹായിച്ചത് ലോക വ്യാപാര സംഘടന (ഡബ്ല്യൂടിഒ) ആണെന്നും അദ്ദേഹം ആരോപിച്ചു. ചില രാജ്യങ്ങളെ വളരുന്ന സമ്പദ്ഘടനയായാണ് പരിഗണിക്കുന്നത്. ചിലത് ഇതുവരെ സ്വയംപര്യാപ്തമാകാത്ത സമ്പദ്ഘടനകളും. അവയക്ക് നമ്മൾ ആനുകൂല്യങ്ങൾ നൽകി വരികയാണ്. ഇന്ത്യ, ചൈന തുടങ്ങിയ രാജ്യങ്ങളെയാണ് ഈ പട്ടികയിൽ പെടുത്തി സാമ്പത്തിക സഹായം ചെയ്യുന്നത്. എന്നാൽ ഈ രാജ്യങ്ങളിലെ സമ്പദ്വ്യവസ്ഥയാവട്ടെ വളർന്നുകൊണ്ടിരിക്കുകയാണ്. ഇവയ്ക്ക് നമ്മൾ സാമ്പത്തിക സഹായം നൽകിക്കൊണ്ടിരിക്കുന്നു. ഇത് വിചിത്രമായിരിക്കുന്നു. എന്നാൽ നമ്മൾ ഇത് നിർത്തലാക്കാൻ പോകുകയാണ്. നമ്മൾ ഇത് അവസാനിപ്പിക്കുതന്നെ ചെയ്യും അദ്ദേഹം പറഞ്ഞു.
ഇന്ത്യക്കും ചൈനയ്ക്കും നൽകിവരുന്ന സാമ്പത്തിക സഹായം നിർത്തലാക്കുവാൻ ട്രംപ് ആലോചിക്കുന്നു
RELATED ARTICLES