വിക്കറ്റ് കീപ്പറെ നോക്കി ബാറ്റു ചെയ്യുന്ന ബാറ്റ്സ്മാനെപ്പോലെയാണ് പ്രധാനമന്ത്രി നരേന്ദ്ര മോദിയെന്ന് കോണ്ഗ്രസ് അധ്യക്ഷൻ രാഹുൽ ഗാന്ധി. കർണാടകയിലെ സിന്ധനൂരിൽ പൊതുയോഗത്തിൽ സംസാരിക്കവെയായിരുന്നു രാഹുലിന്റെ പരിഹാസം. സച്ചിൻ തെൻഡുൽക്കർക്കെങ്കിലും വിക്കറ്റ് കീപ്പറെ നോക്കി ബാറ്റ് ചെയ്യാൻ കഴിയുമോ? അദ്ദേഹം അത്തരത്തിൽ ഒരു റണ്സെങ്കിലും നേടിയിട്ടുണ്ടോ? നമ്മുടെ പ്രധാനമന്ത്രി ഇത്തരത്തിൽ വിക്കറ്റ് കീപ്പറെ നോക്കി ബാറ്റു ചെയ്യുന്ന കളിക്കാരനാണ്. പക്ഷേ പന്ത് എവിടെനിന്നാണു വരുന്നതെന്ന് അദ്ദേഹത്തിന് അറിയില്ല- രാഹുൽ പറഞ്ഞു. കഴിഞ്ഞദിവത്തെ റിയർവ്യൂ മിറർ പരിഹാസത്തിനു പിന്നാലെയാണ് രാഹുലിന്റെ പുതിയ കുത്ത്. പ്രധാനമന്ത്രി റിയർവ്യൂ മിറർ നോക്കിയാണ് വാഹനം ഓടിക്കുന്നതെന്നും അത്തരത്തിൽ രാജ്യം ഭരിക്കാൻ കഴിയില്ലെന്നുമായിരുന്നു രാഹുലിന്റെ പരിഹാസം.