പതിനേഴുകാരന്റെ തലയറുത്ത് പൊലീസ് സ്റ്റേഷനിലേക്ക് വലിച്ചെറിഞ്ഞു. തമിഴ്നാട്ടിൽ ബുധനാഴ്ച അർദ്ധരാത്രിയാണ് ഞെട്ടിപ്പിക്കുന്ന സംഭവം നടന്നത്. പുതുച്ചേരി പാതൂര് സ്വദേശി സുവേതനാണ് കൊല്ലപ്പെട്ടത്. രണ്ടു ബൈക്കുകളിലെത്തിയ അക്രമികൾ ചോരയിറ്റു വീഴുന്ന തല കടലൂർ പൊലീസ്സ്റ്റേഷനകത്തേക്ക് വലിച്ചെറിയുകയായിരുന്നു. പുതുച്ചേരിയിലുണ്ടായ മറ്റൊരു കൊലപാതകകേസിൽ പ്രതിയാണ് കൊല്ലപ്പെട്ട 17 കാരൻ. സി.സി.ടിവി ക്യാമറയിൽ ഇൗ ദൃശ്യങ്ങൾ പതിഞ്ഞിട്ടുണ്ട്.
അക്രമികൾ കൊലപ്പെടുത്തിയ 17 കാരന്റെ മൃതദേഹം പൊലീസ് സറ്റേഷന് മൂന്നു കിലോമീറ്റർ അകലെ പുതുച്ചേരിയിലുള്ള തടാകത്തിൽ കണ്ടെത്തി. തടാകത്തിന്റെ പരിസരത്താണ് കൊലപാതകം നടന്നിരിക്കുന്നതെന്ന് പോലീസ് പറഞ്ഞു. പോലീസ് അന്വേഷണം ആരംഭിച്ചു.