കര്ണാടക തിരഞ്ഞെടുപ്പ് വോട്ടിംഗ് മെഷീനില് കൃത്രിമം നടന്നെന്ന ആരോപണവുമായി കോണ്ഗ്രസ്. ആര്എംവി സെക്കന്ഡ് സ്റ്റേജിലെ പോളിംഗ് ബൂത്തില് ഏതു സ്ഥാനാര്ഥിയുടെ നേരെയുള്ള ബട്ടണ് അമര്ത്തിയാലും ബിജെപി സ്ഥാനാര്ഥിക്കു വോട്ടു കിട്ടുന്ന സ്ഥിതിയാണുള്ളതെന്ന് കോണ്ഗ്രസ് വക്താവായ ബ്രിജേഷ് കാലപ്പ ട്വിറ്ററിലൂടെ ആരോപിച്ചു.ബംഗളുരുവിലെ ആര്എംവി സെക്കന്ഡ് സ്റ്റേജില് എന്റെ മാതാപിതാക്കളുടെ അപ്പാര്ട്ട്മെന്റിന് എതിര്വശത്തെ അഞ്ച് ബൂത്തുകളില് രണ്ടാമത്തെ ബൂത്തില് ഏത് ബട്ടണില് അമര്ത്തിയാലും താമര ചിഹ്നത്തിനാണു വോട്ടുപോകുന്നത്. വോട്ടര്മാര് വോട്ട് രേഖപ്പെടുത്താതെ തിരിച്ചു പോവുകയാണെന്നും,രാമനഗര, ചമരാജ്പേട്ട്, ഹെബ്ബാള് എന്നിവിടങ്ങളിലെ ബൂത്തുകളില് വോട്ടിംഗ് മെഷീനുകളില് അപാകത കണ്ടെത്തിയതായും അദ്ദേഹം ട്വീറ്റ് ചെയ്തു.