ഫിലിപ്പീൻസിലെ ഒക്കിനാവ ദ്വീപിനു സമീപം കപ്പൽ മുങ്ങി 11 ഇന്ത്യക്കാരെ കാണാതായി. ഇന്തോനേഷ്യയിൽനിന്നും ചൈനയിലേക്കു പോകുകയായിരുന്ന ചരക്ക് കപ്പലാണ് അപകടത്തിൽപെട്ടത്. ഹോങ്കോംഗ് രജിസ്ട്രേഷനിലുള്ള കപ്പലിലെ ഇന്ത്യക്കാരായ 26 ജീവനക്കാരിൽ 15 പേരെ രക്ഷപെടുത്തി.
ഒക്കിനാവയിലെ നാഹയിലെ തീരസംരക്ഷണ സേനയുടെ കേന്ദ്രത്തിലേക്ക് വെള്ളിയാഴ്ച പുലർച്ചെയാണ് എമറാൾഡ് സ്റ്റാർ കപ്പലിൽനിന്നും അപകട സന്ദേശമെത്തിയത്. ഇതോടെ ഹെലികോപ്റ്ററുകളും ബോട്ടുകളും സഹായത്തിനായി അയച്ചു. എന്നാൽ കൊടുങ്കാറ്റിനെ തുടർന്ന് രക്ഷാപ്രവർത്തനം തടസപ്പെടുകയാണ്.
