ഉമ്മന്‍ ചാണ്ടിക്കെതിരെ ആഞ്ഞടിച്ചു പി ജെ കുര്യൻ

kurien p j

ജനകീയ നേതാ​വെന്ന പരിവേഷമുള്ള ഉമ്മന്‍ ചാണ്ടി നയിച്ച മൂന്നു തെരഞ്ഞെടുപ്പിലും കോണ്‍ഗ്രസ്​ പിന്നോട്ടടിക്കുകയാണ്​ ചെയ്​തതെന്ന്​ രാജ്യസഭ ഉപാധ്യക്ഷന്‍ പി.ജെ. കുര്യന്‍. എ.കെ. ആന്‍റണിയുടെ തണലിലാണ്​ ഉമ്മന്‍ ചാണ്ടിക്ക്​ സ്​ഥാനമാനങ്ങള്‍ കിട്ടിയതെന്നും അദ്ദേഹം കുറ്റപ്പെടുത്തി. ഉമ്മന്‍ ചാണ്ടി നയിച്ച മുന്നു തെരഞ്ഞെടുപ്പുകളിലും കോണ്‍ഗ്രസി​​െന്‍റ സീറ്റ്​ മറ്റെല്ലാ തെരഞ്ഞെടുപ്പിനേക്കാളും കുറവായിരുന്നു. ജയിച്ച തെരഞ്ഞെടുപ്പിലാക​െട്ട, കേവല ഭൂരിപക്ഷത്തേക്കാള്‍ രണ്ടു സീറ്റ്​ മാത്രമായിരുന്നു കൂടുതല്‍. ഇപ്പോഴുള്ളത്​ 22 സീറ്റ്​. എ.കെ. ആന്‍റണിയും കെ. കരുണാകരനും നേതൃത്വം നല്‍കിയ കാലത്ത്​ യു.ഡി.എഫിന്​ 85നു മുകളില്‍ സീറ്റു കിട്ടിയിരുന്നു. ഉമ്മന്‍ ചാണ്ടിക്ക്​ പാര്‍ട്ടിയേക്കാള്‍ വലുത്​ ഗ്രൂപ്പാണെന്നും പി.ജെ. കുര്യന്‍ തുറന്നടിച്ചു. തന്നെയും പി.സി. ചാക്കോയെയും വെട്ടിനിരത്തുകയെന്ന ഒറ്റ ലക്ഷ്യത്തോടെയാണ്​ കോണ്‍ഗ്രസി​​െന്‍റ രാജ്യസഭ സീറ്റ്​ താലത്തിലാക്കി കേരള കോണ്‍ഗ്രസിന്​ ഉമ്മന്‍ ചാണ്ടി വെച്ചുനീട്ടിയത്​. വി.എം. സുധീരന്‍ പറഞ്ഞതുപോലെ താനും കോണ്‍ഗ്രസില്‍ ഗ്രൂപ്പിനു പുറത്താണ്​. അതാണു പ്രശ്​നം. ഗ്രൂപ്പിന്​ അകത്തായിരുന്നപ്പോള്‍ ഒതുക്കാന്‍ ശ്രമിച്ചു. പുറത്തായപ്പോള്‍ രാഷ്​ട്രീയത്തില്‍നിന്നു തന്നെ ഒഴിവാക്കാന്‍ ശ്രമിക്കുന്നു. വേണ്ടിവന്നാല്‍ വിശദാംശങ്ങള്‍ പിന്നീട്​ പുറത്തുവിടുമെന്ന്​ പി.ജെ. കുര്യന്‍ പറഞ്ഞു. എതിര്‍ക്കുന്നവരെയും ‘യെസ്​’ മൂളാത്തവരെയും വെട്ടിവീഴ്​ത്തുന്നതാണ്​ ഉമ്മന്‍ ചാണ്ടിയുടെ രീതി. തനിക്ക്​ ചില സഹായങ്ങള്‍ ചെയ്​തു തന്നിട്ടുണ്ടെന്നും ഉമ്മന്‍ ചാണ്ടി പറയുന്നു. അപകീര്‍ത്തിപ്പെടുത്താന്‍ മാത്രമുള്ള ആരോപണമാണത്​. താന്‍ ഉമ്മന്‍ ചാണ്ടിയുടെ സഹായം പറ്റിയിട്ടില്ല. ആ സഹായം എന്താണെന്ന്​ വെളിപ്പെടുത്താന്‍ ഉമ്മന്‍ ചാണ്ടിയെ കുര്യന്‍ വെല്ലുവിളിച്ചു. ഉമ്മന്‍ ചാണ്ടിയുടെ വിശ്വസ്തനായ പി.സി. വിഷ്​ണുനാഥിനെയും കുര്യന്‍ കടന്നാക്രമിച്ചു. താന്‍ ജനകീയനല്ലെന്ന്​ പറയുന്ന യുവനേതാവ്​, യു.ഡി.എഫി​​െന്‍റ സ്​ഥിരം സീറ്റായിരുന്ന ചെങ്ങന്നൂര്‍ രണ്ടു തെരഞ്ഞെടുപ്പു കഴിഞ്ഞപ്പോള്‍ എല്‍.ഡി.എഫിനു കാഴ്​ചവെച്ചയാളാണ്​. എല്‍.ഡി.എഫ്​ സീറ്റായിരുന്ന മാവേലിക്കര അഞ്ചുതവണ യു.ഡി.എഫില്‍ നിലനിര്‍ത്തിയത്​ താനാണ്​. കോണ്‍ഗ്രസിന് അര്‍ഹതപ്പെട്ട രാജ്യസഭ സീറ്റ്​ ​കേരള കോണ്‍ഗ്രസിനു നല്‍കിയത്​ പാര്‍ട്ടിവിരുദ്ധ നടപടിയാണ്​. അത്​ കേരളത്തില്‍ വര്‍ഗീയ ധ്രുവീകരണം വര്‍ധിപ്പിക്കും.താന്‍ ബി.ജെ.പിയോട്​ മമത കാട്ടിയെന്ന്​ പ്രചരിപ്പിക്കുന്നവര്‍ രാജ്യസഭ ചട്ടങ്ങളും നടപടിക്രമങ്ങളും അറിയാത്തവരാണ്​. ത​​െന്‍റ റൂളിങ്​ ആര്‍ക്കും പരിശോധിക്കാം. ഏതെങ്കിലും ഒരു കക്ഷിയെ സഹായിക്കാന്‍ ചട്ടം തെറ്റിച്ച്‌​ തീരുമാനമെടുത്തെന്ന്​ തെളിയിച്ചാല്‍ പൊതുപ്രവര്‍ത്തനം അവസാനിപ്പിക്കാം. പ്രതികാര രാഷ്​ട്രീയം, ഗ്രൂപ്പിസം, പ്രധാന തീരുമാനങ്ങളില്‍ കൂട്ടായ ചര്‍ച്ച നടത്താതിരിക്കല്‍ എന്നിവ കേരളത്തില്‍ കോണ്‍ഗ്രസി​​െന്‍റ ശാപമാണ്​. ഇത്​ അവസാനിക്കണം. ഒരു സ്​ഥാനത്തിനും വേണ്ടിയല്ല, പാര്‍ട്ടി നന്നാകാന്‍ വേണ്ടിയാണ്​ താന്‍ ഇതു പറയുന്നതെന്നും പി.ജെ. കുര്യന്‍ പറഞ്ഞു. ഇപ്പോഴത്തെ പ്രതിസന്ധിക്ക്​ കെ.പി.സി.സിയില്‍ പരിഹാരമില്ലെന്നും അദ്ദേഹം കൂട്ടിച്ചേര്‍ത്തു.