രാജ്യത്ത് ദളിതര്ക്കു നേരെയുള്ള അക്രമങ്ങള് തുടരുന്നു. മഹാരാഷ്ട്രയില് ഗ്രാമത്തിലെ പൊതുകുളത്തില് കുളിച്ച ദളിത് കുട്ടികളെ തല്ലിച്ചതച്ച് നഗ്നരായി പൊതുനിരത്തിലൂടെ നടത്തി. ജല്ഗാവിലെ വകാഡിയില് കഴിഞ്ഞ ഞായറാഴ്ചയായിരുന്നു സംഭവം. കുട്ടികളെ നഗ്നരായി നടത്തുന്നതിന്റെ ദൃശ്യം സാമൂഹിക മാധ്യമങ്ങളിലൂടെ പ്രചരിച്ചതോടെയാണ് സംഭവം പുറലോകം അറിയുന്നത്. പന്ത്രണ്ടും പതിനാലും വയസുള്ള കുട്ടികളാണ് കുളത്തില് കുളിക്കാനിറങ്ങിയത്. സംഭവം അറിഞ്ഞതോടെ മേല്ജാതിക്കാരെന്നു പറയപ്പെടുന്നവര് സംഘടിച്ചെത്തി കുട്ടികളെ കുളത്തില്നിന്നും വലിച്ചിറക്കി മര്ദിക്കുകയായിരുന്നു. അസഭ്യം പറയുകയും കുട്ടികളുടെ വസ്ത്രം ഉരിഞ്ഞ ശേഷം പൊതുനിരത്തിലൂടെ നടത്തിച്ചു. അക്രമികളും കുട്ടികളുടെ പിന്നാലെ നടക്കുകയും വലിയ വടികൊണ്ടും തുകല് ബെല്റ്റ് ഉപയോഗിച്ചും അടിക്കുകയും ചെയ്തു. മൃഗങ്ങളെ തല്ലുന്നതുപോലെ പിന്നില്നിന്നാണ് അടിക്കുന്നത്. സംഭവുമായി ബന്ധപ്പെട്ട് രണ്ടു പേരെ അറസ്റ്റ് ചെയ്തതായി സാമൂഹികനീതി വകുപ്പ് മന്ത്രി ദിലീപ് കാംബ്ലെ പറഞ്ഞു.
പൊതുകുളത്തില് കുളിച്ച ദളിത് കുട്ടികളെ നഗ്നരായി പൊതുനിരത്തിലൂടെ നടത്തി
RELATED ARTICLES