തെരഞ്ഞെടുപ്പുകളില്‍ നിന്നും ഭരണത്തില്‍ നിന്നും കുടുംബക്കാരെ അകറ്റി നിര്‍ത്തണമെന്ന് പ്രധാനമന്ത്രി. ബിജെപി ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാരോടാണ് പ്രധാനമന്ത്രി നരേന്ദ്ര മോദി ഇക്കാര്യം പറഞ്ഞത് .വിദേശയാത്ര പോകുമ്പോൾ തന്‍റെ അനുവാദം വാങ്ങിയിരിക്കണമെന്നും മോദി നിര്‍ദേശിച്ചു. കഴിഞ്ഞമാസം നടന്ന ബിജെപി മുഖ്യമന്ത്രിമാരുടെയും ഉപമുഖ്യമന്ത്രിമാരുടെയും യോഗത്തിലാണ് അദ്ദേഹം ഇക്കാര്യം നിര്‍ദേശിച്ചത്. അധികാരത്തിലെത്തിയാല്‍ ബന്ധുക്കള്‍ സഹായാഭ്യര്‍ത്ഥനയുമായി വരും. അവരെ നിയന്ത്രിക്കേണ്ടത് പ്രധാനമാണ്. നിങ്ങള്‍ പരാജയപ്പെടുകയാണെങ്കില്‍ കോണ്‍ഗ്രസിന്‍റെ കുടുംബ രാഷ്ട്രീയത്തിനെതിരായ നമ്മളുടെ രാഷ്ട്രീയ ആക്രമണത്തിന്‍റെ പ്രഹരശേഷി കുറയും- മോദി പറഞ്ഞതായി ബിജെപി നേതാക്കള്‍ പറയുന്നു. ഇതിന് ഉദാഹരണമായി രണ്ടു ദശാബ്ദം മുന്പ് മധ്യപ്രദേശിലുണ്ടായ ബിജെപിയുടെ തെരഞ്ഞെടുപ്പു പരാജയം മോദി ചൂണ്ടിക്കാട്ടിയെന്നും ഇവര്‍ പറഞ്ഞതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തു.ഒൗദ്യോഗിക ആവശ്യങ്ങള്‍ക്കല്ലാത്ത വിദേശയാത്ര പാടില്ല, മന്ത്രിമാരുടെയും ജനപ്രതിനിധികളുടെയും പഴ്സനല്‍ സ്റ്റാഫില്‍ ബന്ധുക്കള്‍ പാടില്ല, പാര്‍ട്ടിയെ പ്രതിരോധത്തിലാക്കുന്ന പരാമര്‍ശങ്ങള്‍ നേതാക്കളുടെ ഭാഗത്തുനിന്ന് ഉണ്ടാകരുത്, മാധ്യമങ്ങളില്‍നിന്ന് അകലം പാലിക്കണം എന്നിങ്ങനെ നിര്‍ദേശങ്ങളും മോദി പങ്കുവച്ചതായാണു റിപ്പോര്‍ട്ടുകള്‍. ഇതു സംബന്ധിച്ച സര്‍ക്കുലര്‍ ഉടന്‍ ബിജെപി നേതാക്കള്‍ക്കു കൈമാറുമെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
തെരഞ്ഞെടുപ്പുകളില്‍നിന്നും ഭരണത്തില്‍നിന്നും കുടുംബക്കാരെ അകറ്റി നിര്‍ത്തണമെന്ന് പ്രധാനമന്ത്രി
RELATED ARTICLES
