ദക്ഷിണ കന്നഡ ജില്ലയില് കോണ്ഗ്രസ് ഒരു സീറ്റിലൊഴികെ എല്ലായിടത്തും പരാജയപ്പെടാന് കാരണം വോട്ടിംഗ് മെഷീനിലെ ക്രമക്കേടാണെന്ന് സംശ യിക്കേണ്ടിയിരുന്നുവെന്ന് പരാജയപ്പെട്ട കോണ്ഗ്രസ് സ്ഥാനാര്ഥികള്. ഇതുസംബന്ധിച്ച് തെരഞ്ഞെടുപ്പു കമ്മീഷന് പരാതി നല്കുമെന്ന് ബണ്ട്വാള് മണ്ഡലത്തില്നിന്നും പരാജയപ്പെട്ട കോണ്ഗ്രസ് സ്ഥാനാര്ഥി രാമനാഥ് റായ് പത്രസമ്മേളനത്തില് പറഞ്ഞു. ജില്ലയില് എട്ടു സീറ്റില് ഏഴിടത്തും ബിജെപിയാണ് വിജയിച്ചത്. ജനവിധി അംഗീകരിക്കുന്നു. എന്നാല്, വോട്ടിംഗ് മെഷീനെക്കുറിച്ച് ഞങ്ങള്ക്ക് ചില സംശയ ങ്ങളുണ്ട്. വോട്ടെണ്ണല് തുടങ്ങിയപ്പോള് ചില കുഴപ്പങ്ങള് ശ്രദ്ധിച്ചിരുന്നു. ഇക്കാര്യവും തെരഞ്ഞെടുപ്പുകമ്മീഷനെ ബോധ്യപ്പെടുത്തും. എട്ടു മണ്ഡലങ്ങളിലും കോ ണ്ഗ്രസിന് വിജയപ്രതീക്ഷയുണ്ടായിരുന്നു.-രാമനാഥ് റായ് പറഞ്ഞു. 45,000ത്തിനും 55,000ത്തിനുമിടയില് ഭൂരിപക്ഷം നേടിയാണ് ഏഴു മണ്ഡലങ്ങളിലും ബിജെപി വിജയിച്ചത്. ബിജെപിക്കുവേണ്ടി ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് മംഗളൂരു മേഖലയില് ദിവസങ്ങളോളം പ്രചാരണം നടത്തിയിരുന്നു.
കർണാടക തെരഞ്ഞെടുപ്പ് ;വോട്ടിംഗ് മെഷീനിൽ ക്രമക്കേടെന്ന് സംശയം – കോണ്ഗ്രസ്
RELATED ARTICLES