അതിമാരക മയക്കുമരുന്നായ 28 പെന്റാസോസിൻ ആംപ്യൂളുകളുമായി യുവാവ് എക്സൈസ് സംഘത്തിന്റെ പിടിയിൽ. കോയന്പത്തൂർ ഉക്കടം സ്വദേശി വിജയ്(21)ആണ് പിടിയിലായത്. ടാറ്റു വരയ്ക്കുന്പോൾ വേദന അറിയാതിരിക്കാനായി ഉപയോഗിക്കുന്ന മയക്കുമരുന്നുകളിൽ ഏറ്റവും വില കൂടിയതാണ് ഇത്. ഒരു ഇൻജക്ഷൻ എടുത്താൽ ആറു മണിക്കൂർവരെ ലഹരി നിലനിൽക്കുന്ന പെന്റാസോസിന് 5000 രൂപയാണ് ഒരു ഡോസിന് ഈടാക്കുന്നത്. വേദന സംഹാരിയായി ഉപയോഗിക്കുന്ന ഷെഡ്യൂൾഡ് എച്ച് വണ് ഇനത്തിൽപ്പെടുന്ന ഈ മയക്കുമരുന്നിന് 250 രൂപ മാത്രമേ മെഡിക്കൽ ഷോപ്പുകളിൽ വിലയുള്ളു. ഡോക്ടർമാരുടെ കുറിപ്പില്ലാതെ ഇത്തരത്തിലുള്ള മരുന്നുകൾ വിൽക്കാൻ പാടില്ലെന്ന് ചട്ടമുണ്ട്. ബംഗളുരുവിൽ മെഡിക്കൽ ഫീൽഡിൽ ജോലി ചെയ്യുന്ന യുവാക്കളിൽനിന്ന് ഇത്തരത്തിലുള്ള മരുന്നുകൾ ഒന്നിന് രണ്ടായിരം എന്ന നിരക്കിലാണ് കിട്ടുന്നതെന്ന് പിടിയിലായ വിജയ് പറഞ്ഞു. ഒരു മില്ലി വീതമുള്ള 28 ആംപ്യൂളുകൾക്ക് 1,40,000 രൂപയാണ് വിപണി മൂല്യം.
അതിമാരക മയക്കു മരുന്നുമായി യുവാവ് പിടിയിൽ
RELATED ARTICLES