Thursday, March 28, 2024
HomeKeralaസിനിമാരംഗത്തെ ലൈംഗിക ചൂഷണം അവസാനിപ്പിക്കണമെന്ന് ആവശ്യപ്പെട്ട് ഡബ്ലിയു.സി.സി

സിനിമാരംഗത്തെ ലൈംഗിക ചൂഷണം അവസാനിപ്പിക്കണമെന്ന് ആവശ്യപ്പെട്ട് ഡബ്ലിയു.സി.സി

ലൈംഗിക ചൂഷണം അവസാനിപ്പിക്കണമെന്ന് ഡബ്ലിയു.സി.സി

സിനിമാരംഗത്തെ ലൈംഗിക ചൂഷണം അവസാനിപ്പിക്കണമെന്ന് ആവശ്യപ്പെട്ട് ഡബ്ലിയു.സി.സി ഹൈക്കോടതയില്‍. മലയാള സിനിമാ ലൊക്കേഷനുകളില്‍ ആഭ്യന്തര പരാതി സെല്‍ രൂപീകരിക്കണമെന്നും ഡബ്ലിയു.സി.സി ഹൈക്കോടതയില്‍ ഹര്‍ജി നല്‍കി.

മമ്മൂട്ടി ചിത്രത്തിന്റെ ഷൂട്ടിങ് ലൊക്കേഷനില്‍ ദുരനുഭവം ഉണ്ടായെന്ന് നടി

റിമ കല്ലിങ്കലും പത്മപ്രിയയുമാണ് ഹര്‍ജി സമര്‍പ്പിച്ചത്. സംസ്ഥാന സര്‍ക്കാരിനെയും അമ്മയെയും എതിര്‍കക്ഷിയാക്കിയാണ് ഹര്‍ജി. നാളെ ഹൈക്കോടതി ഹര്‍ജി പരിഗണിക്കും.ഡബ്ലിയു.സി.സി വിളിച്ചുചേര്‍ത്ത വാര്‍ത്താസമ്മേളനത്തില്‍ മമ്മൂട്ടി ചിത്രത്തിന്റെ ഷൂട്ടിങ് ലൊക്കേഷനില്‍ വെച്ച് പ്രൊഡക്ഷന്‍ കണ്‍ട്രോളറില്‍ നിന്ന് ദുരനുഭവം ഉണ്ടായെന്ന് നടി അര്‍ച്ചന പത്മിനി വെളിപ്പെടുത്തിയത് ചര്‍ച്ചക്ക് വഴിവെച്ചിരുന്നു.

ഇതിന് പിന്നാലെ തന്റെ ഷൂട്ടിങ് ലൊക്കേഷനുകളില്‍ ഇന്റേണല്‍ കംപ്ലെയന്റ് കമ്മിറ്റി പ്രവര്‍ത്തിക്കുമെന്ന് സംവിധായകന്‍ ആഷിഖ് അബു പറഞ്ഞിരുന്നു. ഡബ്ലിയു.സി.സി അംഗങ്ങളായ ബീനാ പോള്‍, വിധു വിന്‍സെന്റ് എന്നിവരുമായി നടത്തിയ കൂടിക്കാഴ്ചക്ക് ശേഷം എല്ലാ തൊഴില്‍ സ്ഥാപനങ്ങളിലും പരാതി സെല്‍ രൂപീകരിക്കണമെന്ന് മന്ത്രി കെ.കെ ഷൈലജ പറഞ്ഞിരുന്നു.

RELATED ARTICLES
- Advertisment -

Most Popular

Recent Comments