Friday, March 29, 2024
HomeKeralaപൊലീസില്‍ ഒരുപാട് അലവലാതികളുള്ള കാലമാണിതെന്ന് പന്ന്യൻ രവീന്ദ്രന്‍

പൊലീസില്‍ ഒരുപാട് അലവലാതികളുള്ള കാലമാണിതെന്ന് പന്ന്യൻ രവീന്ദ്രന്‍

അധോലോക സംഘത്തിനും ക്വട്ടേഷനും കൂട്ടിക്കൊടുപ്പിനും ഇപ്പോള്‍ പൊലീസുകാരാണു കൂട്ടെന്ന് സിപിഐ ദേശീയ സെക്രട്ടറിയറ്റ് അംഗം പന്ന്യന്‍ രവീന്ദ്രന്‍. പൊലീസില്‍ ഒരുപാട് അലവലാതികളുള്ള കാലമാണിതെന്നും അദ്ദേഹം പറഞ്ഞു. കോട്ടയത്ത് യുവകലാസമിതി ജില്ലാ കമ്മിറ്റിയുടെ ആഭിമുഖ്യത്തില്‍ നടന്ന പുസ്തകപ്രകാശന ചടങ്ങില്‍ പ്രസംഗിക്കുകയായിരുന്നു അദ്ദേഹം. ഒരു വിഭാഗം പൊലീസുകാര്‍ ക്രിമിനല്‍ പണിയാണെടുക്കുന്നത്. ഒരു ചെറുപ്പക്കാരനെ ആളുമാറി കസ്റ്റഡിയില്‍ എടുത്തു മര്‍ദ്ദിച്ചു കൊന്നു. പൊലീസുകാര്‍ മനുഷ്യത്വം ഇല്ലാത്തവരായി മാറുകയാണ്. പൊലീസ് മേധാവിയുടെ വീട്ടില്‍ ഷൂ തുടയ്ക്കാനും അടിച്ചുവാരാനും നായയെ കുളിപ്പിക്കാനും വരെ പൊലീസുകാരാണ്. പണ്ട് കാരണമില്ലാതെ ഒരു പൊലീസുകാരന്‍ തന്റെ നടുവിനു ചവിട്ടിയതു കൊണ്ടാണ് ഇപ്പോള്‍ ബെല്‍റ്റ് ഇട്ടു നടക്കുന്നത്. കുറച്ചുപേര്‍ കാരണം മറ്റു ചെറുപ്പക്കാരായ പൊലീസുകാര്‍ക്കു പെണ്ണുകിട്ടാത്ത അവസ്ഥയാണിപ്പോള്‍. തെറ്റു ചെയ്യുന്നവരെ പിരിച്ചു വിട്ടാലേ പൊലീസ് സേന നന്നാകൂവെന്നും അദ്ദേഹം വ്യക്തമാക്കി.

RELATED ARTICLES
- Advertisment -

Most Popular

Recent Comments