പഞ്ചാബ് നാഷണല് ബാങ്ക് തട്ടിപ്പ് കേസില് പ്രധാനമന്ത്രി നരേന്ദ്ര മോദിയ്ക്കെതിരെ രൂക്ഷ വിമര്ശവുമായി കോണ്ഗ്രസ് അധ്യക്ഷന് രാഹുല് ഗാന്ധി. അധികാര സ്ഥാനത്തുള്ളവര് അറിയാതെ ഇത്തരമൊരു തട്ടിപ്പ് നടക്കില്ലെന്നും 90 ശതമാനം തട്ടിപ്പും മോദി ഭരണത്തിലാണ് നടന്നതെന്നതിനാല് ഇക്കാര്യത്തില് പ്രധാനമന്ത്രി മറുപടി പറയണമെന്നും അദ്ദേഹം ആവശ്യപ്പെട്ടു.നോട്ട് അസാധുവാക്കല് പ്രഖ്യാപിച്ച ദിനത്തിലാണ് തട്ടിപ്പ് ആരംഭിച്ചതെന്നും രാഹുല് ആരോപിച്ചു. നോട്ട് അസാധുവാക്കിയ ശേഷം പ്രധാനമന്ത്രി നരേന്ദ്ര മോദി ജനങ്ങളോട് പണം ബാങ്കില് നിക്ഷേപിക്കാന് ആവശ്യപ്പെട്ടു. ആ പണം മുഴുവന് പ്രധാനമന്ത്രിയുടെ സുഹൃത്തുക്കളും കോര്പറേറ്റുകളും അടിച്ചോണ്ടു പോയി. തന്റെ പ്രവൃത്തികൊണ്ട് രാജ്യത്തെ സമ്പത്ത് പ്രധാനമന്ത്രി നശിപ്പിച്ചു. ഇനി ബാങ്കിങ് സംവിധാനം സുരക്ഷിതമാക്കാന് എന്തു ചെയ്യുമെന്ന് അറിയാന് താല്പര്യമുണ്ടെന്നും രാഹുല് പറഞ്ഞു.
ബാങ്ക് തട്ടിപ്പ് കേസില് മോദിയ്ക്കെതിരെ രൂക്ഷ വിമര്ശവുമായി രാഹുല് ഗാന്ധി
RELATED ARTICLES