ബീഫ് കൈവശം വെച്ചെന്നാരോപിച്ച് രാംഗഢില്‍ അലുമുദ്ദീനെ കൊന്ന കേസില്‍ ബി.ജെ.പി പ്രാദേശിക നേതാക്കളടക്കം 11പേര്‍ക്ക് ജീവപര്യന്തം. രാംഗഢ് കോടതിയാണ് ബി.ജെ.പി പ്രാദേശിക നേതാവ് നിത്യാനന്ദ് മഹാതോ അടക്കമുള്ളവര്‍ക്ക് ജീവപര്യന്തം ശിക്ഷ വിധിച്ചത്. കേസില്‍ പ്രതികളായ 11 പേരില്‍ മൂന്ന് പേര്‍ക്കെതിരെ ഗൂഢാലോചന കുറ്റം സംശയാതീതമായി തെളിയുകയായിരുന്നു.കഴിഞ്ഞ ജൂണ്‍ 29-നാണ് രാംഗഢില്‍ അലിമുദ്ദീനെ ബീഫ് കൈവശം വെച്ചെന്നാരോപിച്ച് ഗോസംരക്ഷകര്‍ തല്ലിക്കൊന്നത്. 200 കിലോ ഇറച്ചിയുമായി വാനില്‍ പോകുന്നതിനിടെയായിരുന്നു ആക്രമണം. വാന്‍ തീവെച്ച ഗോസംരക്ഷകര്‍ അലിമുദ്ദീനെ മര്‍ദ്ദിച്ചവശനാക്കി. പൊലീസ് എത്തി അലീമുദ്ദീനെ ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല. രാജ്യത്ത് ആദ്യമായാണ് ബീഫ് കൊലയില്‍ ശിക്ഷ വിധിക്കുന്നത്.
ബീഫിന്റെ പേരിൽ ; ബി.ജെ.പി പ്രാദേശിക നേതാക്കളടക്കം 11പേര്‍ക്ക് ജീവപര്യന്തം
RELATED ARTICLES
