പശു സംരക്ഷണം ലക്ഷ്യമിട്ട് വിശ്വഹിന്ദു പരിഷതിന്റെ നേതൃത്വത്തില് ‘ഗോരക്ഷാ ദള്’ രൂപീകരിക്കുന്നു. മംഗളുരുവില് പശു മോഷണം തടയുന്നതില് പോലീസ് പരാജയപ്പെട്ടെന്ന് ആരോപിച്ചാണ് വിഎച്ച്പിയുടെ നീക്കം. ഇപ്പോള് ദക്ഷിണ കന്നഡ ജില്ലകളിലാണ് ഗോരക്ഷാ ദള് പ്രവര്ത്തനങ്ങള് കേന്ദ്രീകരിക്കുന്നത്. ജില്ലയിലെ എല്ലാ ഗ്രാമങ്ങളിലും പത്ത് അംഗങ്ങള് ഉള്പ്പെട്ട ഗോരക്ഷാ ദള് സംഘങ്ങളെ നിയോഗിക്കുമെന്ന് വിഎച്ച്പി മംഗളുരു ഡിവിഷന് പ്രസിഡന്റ് ജഗദീഷ് ഷെനാവ പറഞ്ഞു. അനധികൃത പശു വില്പ്പന തടയാന് പത്തംഗങ്ങള് രണ്ടു ഷിഫ്റ്റുകളിലായി ജോലി ചെയ്യും.പോലീസില്ലാത്ത മേഖലകളില് ഗോരക്ഷാ ദള് പ്രവര്ത്തകര് സംശയമുണര്ത്തുന്ന വാഹനങ്ങള് തടഞ്ഞു പരിശോധിക്കുമെന്നും കുറ്റവാളികളെ പോലീസിനു കൈമാറുമെന്നും വിഎച്ച്പി നേതാവ് അറിയിച്ചു.
വിശ്വഹിന്ദു പരിഷതിന്റെ നേതൃത്വത്തില് ‘ഗോരക്ഷാ ദള്’ രൂപീകരിക്കുന്നു
RELATED ARTICLES