ഹിന്ദുവിരുദ്ധയെന്ന് മുദ്രകുത്തി ഗൗരിലങ്കേഷിന്റെ കൊലപാതകം ഒരു വിഭാഗം ആഘോഷമാക്കുകയാണെന്നും കൊലയാളിക്ക് കിട്ടുന്ന പിന്തുണ ഭീതിജനകമാണെന്നും ഗൗരിലങ്കേഷിന്റെ സഹോദരിയും ചലച്ചിത്ര സാംസ്കാരിക പ്രവര്ത്തകയുമായ കവിതാലങ്കേഷ്. കേരള ഗസറ്റഡ് ഓഫീസേഴ്സ് അസോസിയേഷന്റെ ഡോ.എന്.എം. മുഹമ്മദ് അലി എന്ഡോവ്മെന്റ് അവാര്ഡ് ഗൗരിലങ്കേഷിന് വേണ്ടി സ്വീകരിച്ച് പ്രസംഗിക്കുകയായിരുന്നു അവര്. ആരോപിക്കപ്പെടുന്നത് പോലെ ഗൗരി ഹിന്ദുവിരുദ്ധയല്ല. തികഞ്ഞ മതേതരവാദിയായിരുന്നു. ഗണേശചതുര്ത്ഥിയും ബക്രീദും ക്രിസ്തുമസും തുല്യപ്രാധാന്യത്തോടെ ആഘോഷിക്കുന്ന കുടുംബമാണ് ഞങ്ങളുടേത്. വ്യവസ്ഥാപിത മതത്തിനല്ല, ആത്മീയതയ്ക്കാണ് ഗൗരി പ്രധാന്യം നല്കിയിരുന്നത്. മതത്തിന്റെ പേരിലുള്ള അതിക്രമങ്ങളെ ശക്തിയായി എതിര്ത്തിരുന്നു. ആര്എസ്എസ് പോലുള്ള സംഘടന മതേതര ഇന്ത്യയ്ക്ക് ഗുണകരമല്ലെന്ന് വിശ്വസിച്ചിരുന്നു.ഗൗരി ഭൂമിയില് ഇല്ലെങ്കിലും ആ സ്ഥാനത്ത് ആയിരം ഗൗരിമാര് ഉയര്ത്തെഴുന്നേല്ക്കുന്നതില് സന്തോഷമുണ്ടെന്നും കവിതലങ്കേഷ് പറഞ്ഞു.
ഗൗരിലങ്കേഷിന്റെ കൊലപാതകം ഒരു വിഭാഗം ആഘോഷമാക്കുന്നു – കവിത ലങ്കേഷ്
RELATED ARTICLES