ബിഹാറിലെ മുസാഫർപൂരിൽ സ്കൂൾ കെട്ടിടത്തിലേക്ക് കാർ പാഞ്ഞുകയറി ഒമ്പതു കുട്ടികൾ മരിച്ചു. 24 വിദ്യാർഥികൾക്ക് പരിക്കേറ്റു. ശനിയാഴ്ച ഉച്ചക്ക് 1.30 ഒാടെയാണ് അപകടം. ദേശീയ പാത 77 ന് സമീപത്തുള്ള ധരംപൂർ ഗവൺമെൻറ് മിഡിൽ സ്കൂളിലെ വിദ്യാർഥികളാണ് അപകടത്തിൽപ്പെട്ടത്. അമിതവേഗതയിലായിരുന്ന ബോലേറോ എസ്.യു.വി നിയന്ത്രണം നഷ്ടപ്പെട്ട് സ്കൂൾ വിട്ട് പോവുകയായിരുന്ന കുട്ടികൾക്ക് നേരെ പാഞ്ഞുകയറുകയായിരുന്നു. ഒമ്പതു പേർ സംഭവസ്ഥലത്തു തന്നെ മരിച്ചു. ഗുരുതരമായി പരിക്കേറ്റ കുട്ടികളെ പരിക്കേറ്റവരെ ശ്രീ കൃഷ്ണ മെമ്മോറിയൽ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. റോഡ് മുറിച്ചു കടക്കാൻ ശ്രമിച്ച യുവതിയെ തട്ടാതിരിക്കാൻ വെട്ടിച്ച എസ്.യു.വി അമിതവേഗത്തിലായിരുന്നതിനാൽ നിയന്ത്രണം നഷ്ടപ്പെട്ട് സ്കൂൾ കെട്ടിടത്തിനരികിലേക്ക് പാഞ്ഞുകയറുകയായിരുന്നു. സംഭവത്തിൽ മുഖ്യമന്ത്രി നിതീഷ് കുമാർ അനുശോചിച്ചു. മരിച്ച കുട്ടികളുടെ കുടുംബത്തിന് നാലു ലക്ഷം ധനസഹായം നൽകുമെന്ന് മുഖ്യന്ത്രി അറിയിച്ചു.
സ്കൂൾ കെട്ടിടത്തിലേക്ക് കാർ പാഞ്ഞുകയറി 9 കുട്ടികൾ മരിച്ചു
RELATED ARTICLES