താരസംഘടനയായ അമ്മയില് നിന്ന് രാജിവെച്ച നടിമാര്ക്ക് പിന്തുണയുമായി ഭരണ പരിഷ്കാര കമ്മീഷന് ചെയര്മാന് വി എസ് അച്യുതാനന്ദന് രംഗത്ത്. സ്ത്രീവിരുദ്ധ നിലപാട് ചൂണ്ടിക്കാട്ടി അമ്മ എന്ന സിനിമാ സംഘടനയില്നിന്ന് നാല് വനിതകള് രാജിവെച്ചത് ധീരമായ നടപടിയാണെന്ന് വി എസ് അച്യുതാനന്ദന് പ്രസ്താവനയില് പറഞ്ഞു. തികച്ചും സ്ത്രീവിരുദ്ധമായാണ് സംഘടന പ്രവര്ത്തിക്കുന്നതെന്ന് തുറന്നു പറഞ്ഞുകൊണ്ടാണ് ഇവര് രാജിവെച്ചിട്ടുള്ളതെന്നും വി എസ് കൂട്ടിച്ചേര്ത്തു. സ്വന്തം അംഗങ്ങളുടെ അവകാശങ്ങള്ക്ക് തരിമ്ബ് പരിഗണന നല്കാത്ത ഇത്തരം സംഘടനകള് സിനിമാ വ്യവസായത്തിന് ഒരുതരത്തിലും ഗുണം ചെയ്യില്ലെന്നും വി എസ് വ്യക്തമാക്കി. നടി ആക്രമിക്കപ്പെട്ട കേസില് കുറ്റാരോപിതനായ ദിലീപിനെ സംഘടനയില് തിരിച്ചെടുത്തതില് പ്രതിഷേധിച്ച് നടിമാരായ ഭാവന, രമ്യാ നമ്ബീശന്, ഗീതു മോഹന്ദാസ്, റിമാ കല്ലിങ്കല് എന്നിവരാണ് അമ്മയില് നിന്ന് രാജി വച്ചത്.
താരസംഘടനയായ അമ്മയില് നിന്ന് രാജിവെച്ച നടിമാര്ക്ക് വി എസ് പിന്തുണ
RELATED ARTICLES