ജര്ഖണ്ഡിലെ ഗിരിദിഹില് ഡോ.ബി.ആര്.അംബേദ്കറുടെ പ്രതിമ തകര്ത്ത നിലയില്. ആരാണ് പ്രതിമ തകര്ത്തതെന്നത് സംബന്ധിച്ച് വ്യക്തതയില്ല. പൊലീസ് അന്വേഷണം ആരംഭിച്ചു. ”ഇന്ന് രാവിലെയാണ് പ്രതിമ തകര്ത്ത വിവരം അറിയുന്നത്. പ്രതികളെ ഉടന് പിടികൂടണമെന്ന് ആവശ്യപ്പെട്ട് പൊലീസില് പരാതി നല്കും”,പ്രദേശവാസികള് പറഞ്ഞു. സമാന രീതിയില് മധ്യപ്രദേശില് ഏപ്രില് 22ന് ഭാരതീയ ജനസംഘം സ്ഥാപകന് ശ്യാമപ്രസാദ് മുഖര്ജിയുടെ പ്രതിമ തകര്ത്തിരുന്നു. ത്രിപുരയില് ലെനിന്റെ പ്രതിമ തകര്ത്തതായിരുന്നു ആദ്യത്തെ സംഭവം. തുടര്ന്ന് തമിഴ്നാട്ടിലെ വെല്ലൂരില് ഇ.വി.രാമസ്വാമിയുടെ പ്രതിമയും തകര്ത്തു.ഈ മാസം തന്നെ മധ്യപ്രദേശ്, രാജസ്ഥാന്, ഉത്തര്പ്രദേശ് എന്നിവിടങ്ങളിലും അംബേദ്കറുടെ പ്രതിമ തകര്ത്തിരുന്നു. കഴിഞ്ഞ മാസം പശ്ചിമബംഗാളില് ജവഹര് ലാല് നെഹ്റുവിന്റെ പ്രതിമയ്ക്ക് നേരെ മഷിയെറിഞ്ഞിരുന്നു.