ഇന്ത്യയിലെ ഏറ്റവും വലിയ ടെലികോം സേവന ദാതാക്കളായ വോഡഫോണ് ഐഡിയ ലിമിറ്റഡ്, ഇന്ത്യയിലെ ഏറ്റവും വലിയ ഡിജിറ്റല് പേമെന്റ്സ് കമ്പനിയായ പേറ്റിഎമ്മുമായി സഹകരണം പ്രഖ്യാപിച്ചു. പ്രീപെയ്ഡ് കസ്റ്റമേഴ്സിന് ഉപകാരപ്രദമാകുന്ന തരത്തിലുള്ള ഓഫറുകളാണ് പ്രഖ്യാപിച്ചിരിക്കുന്നത്. പേടിഎമ്മിലൂടെ റീചാര്ജ് ചെയ്യുന്ന വോഡഫോണ്,ഐഡിയ പ്രീപെയ്ഡ് കസ്റ്റമേഴ്സിന് എക്സ്ക്ലൂസീവ് കാഷ്ബാക്ക് ഓഫറുകളും വൗച്ചറുകളും ലഭിക്കും. ആദ്യമായി പേടിഎം ഉപയോഗിക്കുന്ന വോഡഫോണ്, ഐഡിയ പ്രീപെയ്ഡ് കസ്റ്റമേഴ്സ് പേടിഎം ആപ്പിലൂടെ നടത്തുന്ന ആദ്യ റീച്ചാര്ജിന് 25 രൂപ ഉറപ്പായ കാഷ് ബാക്ക് ലഭിക്കും. ഇതിനായി ഏറ്റവും കുറഞ്ഞത് 149 രൂപയുടെ റീച്ചാര്ജാണ് പേടിഎമ്മിലൂടെ ചെയ്യേണ്ടത്. നിലവിലുള്ള പേടിഎം ഉപയോക്താക്കള്ക്ക് 20 രൂപയുടെ കാഷ് ബാക്കാണ് ലഭിക്കുന്നത്. ഇത് കൂടാതെ ഉപഭോക്താക്കള്ക്ക് 375 രൂപ മൂല്യമുള്ള പേടിഎം വൗച്ചറുകളും ലഭിക്കും. സിനിമ ടിക്കറ്റ് ബുക്ക് ചെയ്യുന്നതിനോ പേടിഎം മാളില് നിന്ന് ഷോപ്പിംഗ് നടത്തുന്നതിനോ ഈ വൗച്ചറുകള് ഉപയോഗിക്കാം.