തെലുങ്കാനയില് പ്രായപൂര്ത്തിയാവാത്ത 11 പെണ്കുട്ടികളെ പെണ്വാണിഭ സംഘത്തിന്റെ കൈയില്നിന്ന് പോലീസ് രക്ഷപെടുത്തി. സംഭവുമായി ബന്ധപ്പെട്ട് എട്ട് പുരുഷന്മാരെയും ആറ് സ്ത്രീകളെയും അറസ്റ്റ് ചെയ്തു. തിങ്കളാഴ്ച യദാദ്രി ഭുവാനഗരി ജില്ലയിലെ യദാഗിരിഗുട്ടയിലായിരുന്നു സംഭവം. പോലീസും ശിശുക്ഷേമസമിതിയും ചേര്ന്ന് നടത്തിയ റെയ്ഡിലാണ് പെണ്വാണിഭ സംഘം കുടുങ്ങിയത്. ഏഴിനും 10 നും ഇടയില് പ്രായമുള്ള കുട്ടികളെയാണ് രക്ഷപെടുത്തിയത്. പാവപ്പെട്ട കുടുംബങ്ങളിലെ കുട്ടികളെ ഒരു ലക്ഷം മുതല് രണ്ടു ലക്ഷം രൂപ വരെ നല്കി ഏജന്റുമാരാണ് സംഘത്തിനു എത്തിച്ചുകൊടുത്തിരുന്നതെന്ന് പോലീസ് പറയുന്നു. കുട്ടികള് ഋതുമതികള് ആകുന്നതുവരെ കാത്തിരുന്ന ശേഷം ശരീര വളര്ച്ചയ്ക്കുള്ള ഹോര്മോണ് കുത്തിവയ്ക്കുമായിരുന്നു. രക്ഷപെട്ട പെണ്കുട്ടികളെ അഭയ കേന്ദ്രത്തിലേക്ക് അയച്ചു.