പത്തനംതിട്ട ജില്ലയിൽ തിങ്കളാഴ്ച ബിജെപി ഹർത്താൽ. പത്തനംതിട്ട നഗരത്തിൽ ഞായറാഴ്ച രാത്രി ആർഎസ്എസ്- ഡിവൈഎഫ്ഐ പ്രവർത്തകർ തമ്മിലുണ്ടായ സംഘർഷത്തെ തുടർന്ന് ആർഎസ്എസ് പ്രവർത്തകരെ പോലീസ് മർദിച്ചതിൽ പ്രതിഷേധിച്ചാണ് സംഘപരിവാർ സംഘടനകൾ ഹർത്താലിന് ആഹ്വാനം ചെയ്തത്. രാവിലെ ആറു മുതൽ വൈകുന്നേരം ആറുവരെയാണ് ഹർത്താൽ.
പത്തനംതിട്ട വെട്ടിപ്രത്ത് ആർഎസ്എസ് ഗുരുദക്ഷിണ പരിപാടിക്കിടെയാണ് ഡിവൈഎഫ്ഐയുമായി സംഘർഷമുണ്ടായത്. ആർഎസ്എസ് പ്രവർത്തകരെ പിരിച്ചുവിടാനുള്ള ശ്രമത്തിനിടെ കല്ലേറുണ്ടായി. ഇതിൽ സിഐ ഉൾപ്പെടെ പോലീസുകാർക്ക് പരിക്കേറ്റു. പിന്നീടു പോലീസ് ആർഎസ്എസ് പ്രവർത്തകർക്കു ലാത്തിവീശി.
