ശ്രീ​ജി​ത്ത് ക​സ്റ്റ​ഡി​ മരണം ; പ​റ​വൂ​ർ സി ഐ അറസ്റ്റിൽ

വ​രാ​പ്പു​ഴ​യി​ൽ ശ്രീ​ജി​ത്ത് ക​സ്റ്റ​ഡി​യി​ൽ കൊ​ല്ല​പ്പെ​ട്ട സം​ഭ​വ​ത്തി​ൽ പ​റ​വൂ​ർ സി​ഐ ക്രി​സ്പി​ൻ സാം ​അ​റ​സ്റ്റി​ൽ. മൂ​ന്നു മ​ണി​ക്കൂ​ർ നീ​ണ്ട ചോ​ദ്യം ചെ​യ്യ​ലി​നു​ശേ​ഷ​മാ​ണ് ക​സ്റ്റ​ഡി മ​ര​ണ​ത്തി​ൽ അ​ന്വേ​ഷ​ണം ന​ട​ത്തു​ന്ന പ്ര​ത്യേ​ക സം​ഘം ക്രി​സ്പി​ന്‍റെ അ​റ​സ്റ്റ് രേ​ഖ​പ്പെ​ടു​ത്തി​യ​ത്. ആ​ലു​വ പോ​ലീ​സ് ക്ല​ബി​ൽ വി​ളി​ച്ചു വ​രു​ത്തി​യാ​യി​രു​ന്നു ചോ​ദ്യം ചെ​യ്യ​ൽ. കേ​സി​ൽ ക്രി​സ്പി​നെ അ​ന്വേ​ഷ​ണ സം​ഘം അ​ഞ്ചാം പ്ര​തി​യാ​ക്കി​യാ​യി​രു​ന്നു. അ​ന്യാ​യ​മാ​യി ത​ട​ങ്ക​ലി​ൽ വ​യ്ക്കു​ക, തെ​ളി​വു ന​ശി​പ്പി​ക്കു​ക, രേ​ഖ​ക​ളി​ൽ തി​രി​മ​റി ന​ട​ത്തു​ക എ​ന്നീ കു​റ്റ​ങ്ങ​ളാ​ണ് ക്രി​സ്പി​നെ​തി​രേ ചു​മ​ത്തി​യി​ട്ടു​ള്ള​ത്. സം​ഭ​വം ന​ട​ന്ന വ​രാ​പ്പു​ഴ പോ​ലീ​സ് സ്റ്റേ​ഷ​ന്‍റെ ചു​മ​ത​ല ക്രി​സ്പി​നാ​യി​രു​ന്നു. അ​തേ​സ​മ​യം ഇ​ദ്ദേ​ഹ​ത്തി​നെ​തി​രെ കൊ​ല​ക്കു​റ്റം ചു​മ​ത്തി​യി​ട്ടി​ല്ലെ​ന്നാ​ണു സൂ​ച​ന. ശ്രീ​ജി​ത്തി​ന്‍റെ ക​സ്റ്റ​ഡി മ​ര​ണ​ത്തി​ൽ ക്രി​സ്പി​ൻ സാ​മി​നു പ​ങ്കു​ണ്ടെ​ന്ന് ശ്രീ​ജി​ത്തി​ന്‍റെ കു​ടും​ബം ആ​രോ​പ​ണം ഉ​ന്ന​യി​ച്ചി​രു​ന്നു. ക​സ്റ്റ​ഡി മ​ര​ണ​ക്കേ​സി​ൽ അ​റ​സ്റ്റി​ലാ​കു​ന്ന അ​ഞ്ചാ​മ​ത് പോ​ലീ​സ് ഉ​ദ്യോ​ഗ​സ്ഥ​നാ​ണു ക്രി​സ്പി​ൻ സാം. ​ശ്രീ​ജി​ത്ത് വി​ഷ​യ​ത്തി​ൽ സി​ഐ ക്രി​സ്പി​ൻ സാ​മി​നു ഗു​രു​ത​ര വീ​ഴ്ച പ​റ്റി​യെ​ന്ന് ഐ​ജി ശ്രീ​ജി​ത്തി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ​സം​ഘം ഡി​ജി​പി​ക്കു റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു.