പി.സി ജോര്ജ് എംഎല്എയുടെ പേരില് പൊന്കുന്നം സിഐ വി.കെ. വിജയരാഘവനെ ഫോണില് വിളിച്ച് തെറ്റിദ്ധരിപ്പിക്കാന് ശ്രമിച്ചയാളെ പോലീസ് പിടികൂടി. പൊന്കുന്നം തോണിപ്പാറ മുത്തുവയലില് അനീഷ് എസ്. നായര് (33) ആണ് പിടിയിലായത്.
ഭാര്യയെ മര്ദിച്ചുവെന്ന പരാതിയില് ഇയാളെ സ്റ്റേഷനിലേക്ക് വിളിപ്പിച്ചിരുന്നു. ഈ കേസില് ഇയാളെ സഹായിക്കണമെന്ന് ആവശ്യപ്പെട്ടാണ് എംഎല്എയുടെ പേരില് വിളിയെത്തിയത്. ‘പി.സി. ജോര്ജാണ്, വരുന്നത് വേണ്ടപ്പെട്ടയാളാണ്.. വേണ്ടതുപോലെ കാര്യങ്ങള് ചെയ്യണം’ എന്നായിരുന്നു പറഞ്ഞത്.
ഇതില് സംശയം തോന്നിയ പോലീസ് എംഎല്എയെ ബന്ധപ്പെട്ടപ്പോള് അദ്ദേഹം വിളിച്ചിട്ടില്ലെന്ന് ബോധ്യമായി. സ്റ്റേഷനിലെത്തിയ അനീഷിനെ ചോദ്യം ചെയ്തപ്പോള് കുറ്റം സമ്മതിച്ചു. ഇയാളെ അറസ്റ്റ് ചെയ്ത് ജാമ്യത്തില് വിട്ടയച്ചു.