ചൈനയില്‍ സര്‍ക്കാര്‍ ഉടമസ്ഥതയിലുള്ള മൂന്ന് വയര്‍ലസ് കമ്ബനികള്‍ 5ജി സേവനം ആരംഭിച്ചു.ചൈന മൊബീല്‍ ലിമിറ്റഡ്, ചൈന ടെലികോം കോര്‍പ്, ചൈന യൂനികോ ഹോങ്കോങ് ലിമിറ്റഡ് എന്നീ കമ്ബനികളാണ് 5ജി സേവനം തുടങ്ങിയത്.
ചൈന മൊബീല്‍ ലിമിറ്റഡ് തലസ്ഥാനനഗരമായ ബെയ്ജിങ്, ഷാങ്ഹായ്, ഷെന്‍ഷെന്‍ എന്നിവയുള്‍പ്പെടെ 50 നഗരങ്ങളില്‍ സേവനം തുടങ്ങി. പ്രതിമാസം ഏകദേശം 18 ഡോളര്‍ എന്ന നിരക്കിലാണ് 5ജി പാക്കേജിന് ഈടാക്കുന്നത്.യു.എസുമായുള്ള വ്യാപാരയുദ്ധത്തില്‍ തിരിച്ചടി നേരിട്ട അവസരത്തിലാണ് 5ജി സേവനം വേഗത്തിലാക്കാന്‍ ചൈന തീരുമാനിച്ചത്.
അതിവേഗ ഡാറ്റ കൈമാറ്റം സാധ്യമാക്കുന്ന അഞ്ചാം തലമുറ സാങ്കേതികവിദ്യയാണ് 5ജി. 4ജി നെറ്റ്വര്‍കിനേക്കാള്‍ 10 മുതല്‍ 100 മടങ്ങ് വേഗതയില്‍ ഡാറ്റ കൈമാറ്റം സാധ്യമാകും.
