എടിഎം കാര്ഡിലെ 16 അക്ക കാര്ഡ് നമ്പറും പിന് നമ്പറും ചോദിച്ചു മനസിലാക്കി പണം തട്ടുന്ന സംഘങ്ങള് റവന്യു മന്ത്രി ഇ. ചന്ദ്രശേഖരന്റെ ബാങ്ക് അക്കൗണ്ടില് നിന്നു പണം തട്ടാന് ശ്രമം. എടിഎം പിന് നമ്പറും കാര്ഡ് നമ്പറും ചോദിച്ചു പലപ്പോഴായി മന്ത്രിയെ ഫോണില് വിളിച്ചായിരുന്നു പണം തട്ടാന് ശ്രമം നടത്തിയത്. ഇതു സംബന്ധിച്ചു മന്ത്രിയുടെ ഓഫിസ് കന്റോണ്മെന്റ് പോലീസില് പരാതി നല്കി. പോലീസ് സൈബര് വിഭാഗത്തിനു പരാതി കൈമാറിയതായും ഇതു സംബന്ധിച്ച് അന്വേഷണം ആരംഭിച്ചതായും പോലീസ് അറിയിച്ചു. ഏതാനും ദിവസങ്ങളായി മന്ത്രിയുടെ മൊബൈല് ഫോണിലേക്ക് തട്ടിപ്പു സംഘങ്ങള് ബാങ്കില് നിന്നാണെന്നും രഹസ്യ നമ്പർ ചോദിച്ചും വിളിക്കുന്നതു പതിവായിരുന്നു. ഇന്നും വിളിയെത്തി. മന്ത്രിയുടെ ഫോണാണെന്ന് അറിയിച്ചതോടെ ഫോണ് കട്ടു ചെയ്തു. തിരിച്ചു വിളിച്ചിട്ടും ഫോണ് എടുക്കാത്ത സാഹച്യത്തിലാണു നമ്പർ പോലീസിനു കൈമാറിയത്. എടിഎം കാര്ഡിലെ 16 അക്ക കാര്ഡ് നമ്പറും പിന് നമ്പറും ചോദിച്ചു മനസിലാക്കി പണം തട്ടുന്ന സംഘങ്ങള് സംസ്ഥാനത്തു വ്യാപകമാണ്. ഇതിനായി പലരേയും ഫോണില് വിളിക്കാറുണ്ട്. രഹസ്യ നമ്പർ പറഞ്ഞു കൊടുത്ത പലര്ക്കും പണം നഷ്ടമായിരുന്നു. ഇത്തരം സംഘങ്ങളാകാം മന്ത്രിയേയും ഫോണില് വിളിച്ചതെന്നാണു പോലീസ് പറയുന്നത്.
റവന്യു മന്ത്രി ഇ. ചന്ദ്രശേഖരന്റെ ബാങ്ക് അക്കൗണ്ടില് നിന്നു പണം തട്ടാന് ശ്രമം
RELATED ARTICLES