ശബരിമല വിഷയത്തില് ഹൈക്കോടതിയില്നിന്നു ശകാരവും പിഴയും ഏറ്റുവാങ്ങിയ ബിജെപി നേതാവ് ശോഭ സുരേന്ദ്രനെ പരിഹസിച്ച് ദേവസ്വം മന്ത്രി കടകംപള്ളി സുരേന്ദ്രന്. ഹൈക്കോടതിയോടു മാത്രമല്ല അയ്യപ്പഭക്തരോടും പൊതുസമൂഹത്തോടും മാപ്പുപറയാന് ശോഭ സുരേന്ദ്രന് തയാറാകണമെന്നും മാപ്പു പറഞ്ഞു തടിതപ്പുന്നതു ബിജെപിക്കാര്ക്കു പുതുമയല്ലെന്നും കടകംപള്ളി പറഞ്ഞു.വികൃതമായ ആരോപണങ്ങള് എന്നാണു ശോഭ സുരേന്ദ്രന് നല്കിയ ഹര്ജിയെ ഹൈക്കോടതി വിലയിരുത്തിയത്. പബ്ലിസിറ്റി സ്റ്റണ്ട് നടത്താനും വിലകുറഞ്ഞ പ്രശസ്തിക്കും വേണ്ടി കോടതിയെ ഉപയോഗിക്കരുതെന്ന വിമര്ശനം നിസാരമല്ല. സമൂഹമധ്യത്തില് കുറെ കാലമായി ബിജെപി നടത്തുന്ന സത്യത്തിനു നിരക്കാത്ത കുപ്രചരണങ്ങള് ഹൈക്കോടതിയിലും ആവര്ത്തിച്ചതാണ് ശോഭ സുരേന്ദ്രനു വിനയായത്. മാപ്പുപറഞ്ഞു ഹര്ജി പിന്വലിച്ച ശോഭ സുരേന്ദ്രന് സമാന ആരോപണങ്ങള് ഉയര്ത്തി കേരളമാകെ സംഘര്ഷമുണ്ടാക്കാന് ശ്രമിച്ചതിനും മാപ്പു പറയണം- കടകംപള്ളി പറഞ്ഞു.മാപ്പുപറഞ്ഞു തടി തപ്പുന്നതു ബിജെപിക്കാര്ക്കു പുതുമയല്ല. അസത്യ പ്രചാരണത്തിനും അതിക്രമങ്ങള്ക്കും നേതൃത്വം നല്കിയതിനുള്ള ചെറിയ ശിക്ഷയായി ഹൈക്കോടതി വിധിയെ കണക്കാക്കാം. ഇപ്പോള് ശോഭ സുരേന്ദ്രന് താന് ഹൈക്കോടതിയില് മാപ്പ് പറഞ്ഞിട്ടിലെന്ന് ഒരു ചാനലില് പറയുന്നത് കേട്ടു. ഇനി ഹര്ജിയെ നല്കിയിട്ടില്ലെന്ന് വരെ പറഞ്ഞേക്കാമെന്നും കടകംപള്ളി കൂട്ടിച്ചേര്ത്തു.ശബരിമലയിലെ പോലീസ് ഇടപെടലിനെ ചോദ്യം ചെയ്ത് ഹൈക്കോടതിയെ സമീപിച്ച ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രനെ കോടതി രൂക്ഷമായി വിമര്ശിച്ചിരുന്നു. പബ്ലിസിറ്റി സ്റ്റണ്ട് നടത്താന് കോടതിയെ ഉപയോഗിക്കരുതെന്നു കോടതി ശോഭയ്ക്കു താക്കീത് നല്കി. അവര് സമര്പ്പിച്ച ഹര്ജി തള്ളിക്കളഞ്ഞ കോടതി 25,000 രൂപ പിഴ അടയ്ക്കാനും വിധിച്ചു. കോടതിയുടെ രൂക്ഷവിമര്ശനങ്ങള്ക്ക് തൊട്ടുപിന്നാലെ ശോഭ മാപ്പു പറഞ്ഞു തടിതപ്പി.
മാപ്പുപറഞ്ഞു തടി തപ്പുന്നതു ബിജെപിക്കു പുതുമയല്ല; ശോഭ സുരേന്ദ്രനെ പരിഹസിച്ച് കടകംപള്ളി
RELATED ARTICLES