മധ്യപ്രദേശിലെ ഇൻഡോറിൽ സ്കൂൾ ബസ് ട്രക്കുമായി കൂട്ടിയിടിച്ച് ആറു കുട്ടികളും ബസ് ഡ്രൈവറും മരിച്ചു. അപകടത്തിൽ നിരവധി കുട്ടികൾക്ക് പരിക്കേൽക്കുകയും ചെയ്തു. വെള്ളിയാഴ്ച ഇൻഡോറിലെ ബിചോളിയിലായിരുന്നു സംഭവം. ഇൻഡോറിലെ ഡൽഹി പബ്ലിക് സ്കൂളിലെ ബസാണ് അപകടത്തിൽപ്പെട്ടത്. ബസിൽ മുപ്പതോളം കുട്ടികളുണ്ടായിരുന്നു. നിയന്ത്രണം നഷ്ടപ്പെട്ട ബസ് ഡിവഡൈറിൽ ഇടിച്ചുകയറിയ ശേഷം തെറ്റായ ദിശയിലെത്തി. ഈ സമയം എതിരെ വന്ന ട്രക്ക് ബസിൽ ഇടിച്ചുകയറുകയായിരുന്നു. അപകടത്തിൽ ബസിന്റെ മുൻ ഭാഗം പൂർണമായും തകർന്നു. പരിക്കേറ്റ കുട്ടികളെ ഉടൻ തന്നെ ആശുപത്രിയിൽ പ്രവേശിപ്പിച്ചു. ഇവരിൽ ചിലരുടെ നില ഗുരുതരമാണെന്നാണ് റിപ്പോർട്ട്. സംഭവത്തില് ആഭ്യന്തരമന്ത്രി ഭൂപേന്ദ്രസിംഗ് അന്വേഷണത്തിന് ഉത്തരവിട്ടു. 24 മണിക്കൂറിനകം റിപ്പോര്ട്ട് സമര്പ്പിക്കാന് അദ്ദേഹം മോട്ടോര്വാഹന വകുപ്പ് അധികൃതര്ക്ക് നിര്ദ്ദേശം നല്കി.
സ്കൂൾ ബസ് ട്രക്കുമായി കൂട്ടിയിടിച്ച് ആറു കുട്ടികളും ബസ് ഡ്രൈവറും മരിച്ചു
RELATED ARTICLES