യാത്രക്കാരിയെ മാനഭംഗപ്പെടുത്തിയ ഓണ്ലൈന് ടാക്സി സര്വീസായ ഒല ക്യാബ്സിലെ ഡ്രൈവര് അറസ്റ്റില്. ഇരുപത്തിയാറുകാരനായ വി. അരുണ് ആണ് അറസ്റ്റിലായത്. ആര്ക്കിടെക്റ്റായ യുവതിയെയാണ് മാനഭംഗത്തിനിരയായത്. കഴിഞ്ഞ വെള്ളിയാഴ്ച പുലര്ച്ചെയായിരുന്നു സംഭവം. യുവതി വിമാനത്താവളത്തിലേക്കുപോകാനാണ് ടാക്സി വിളിച്ചത്.യാത്രയ്ക്കിടെ വേഗം എത്താനാണെന്നു പറഞ്ഞ് ഡ്രൈവര് ഇടവഴി തെരഞ്ഞെടുത്തു. മുംബൈയ്ക്കുള്ള വിമാനം ലഭിക്കാന് വേഗം കൂട്ടണമെന്ന് ആവശ്യപ്പെട്ടപ്പോള് ആണ് ഇടവഴി തെരഞ്ഞെടുത്തത്. എന്നാല് വിജനമായ സ്ഥലത്ത് എത്തിയപ്പോള് ഡ്രൈവര് കാര് നിര്ത്തുകയും യുവതിയെ മാനഭംഗപ്പെടുത്താന് ശ്രമിക്കുകയും ചെയ്തു. വഴങ്ങിയില്ലെങ്കില് കൂടുതല് ആളുകളെ വിളിച്ച് കൂട്ടമാനഭംഗത്തിനിരയാക്കുമെന്ന് ഭീഷണിപ്പെടുത്തി.ഇയാള് യുവതിയുടെ വസ്ത്രങ്ങള് അഴിക്കുകയും ചിത്രങ്ങള് പകര്ത്തുകയും ചെയ്തു. പിന്നീട് ഇത് വാട്സ്ആപ്പ് വഴി പ്രചരിപ്പിക്കുകയും ചെയ്തു. യുവതിയുടെ ഇ-മെയില് പരാതിയുടെ അടിസ്ഥാനത്തില് പോലീസ് കേസെടുത്ത് പ്രതിയെ അറസ്റ്റ് ചെയ്തു.
യാത്രക്കാരിയെ മാനഭംഗപ്പെടുത്തി; ഓണ്ലൈന് ടാക്സി ഡ്രൈവർ അറസ്റ്റിൽ
RELATED ARTICLES