മോദിമാരെല്ലാം കള്ളന്മാരാണെന്ന പ്രസ്താവനയില് രാഹുല് ഗാന്ധിക്ക് ജാമ്യം. പാറ്റ്ന കോടതിയാണ് രാഹുലിന് ജാമ്യം അനുവദിച്ചത്.
ബിഹാര് ഉപമുഖ്യമന്ത്രി സുശീല് കുമാര് മോദി നല്കിയ അപകീര്ത്തി കേസിലാണ് ജാമ്യം. ആര്എസ്എസിന്റെയും ബിജെപിയുടെയും പ്രത്യയശാസ്ത്രത്തിനെതിരെയാണ് തന്റെ പോരാട്ടമെന്നു രാഹുല് കോടതിക്ക് പുറത്ത് മാധ്യമങ്ങളോട് പറഞ്ഞു. ആ പോരാട്ടം തുടരും.
ആര്എസ്എസിന്റെയും മോദിയുടെയും ആദര്ശങ്ങളെ എതിര്ക്കുന്നവര് ആക്രമിക്കപ്പെടുകയാണ്. ഭരണഘടനയെ സംരക്ഷിക്കാനാണ് തന്റെ പോരാട്ടം. അത് കര്ഷകര്ക്കും പാവങ്ങള്ക്കും വേണ്ടിയാണെന്നും രാഹുല് കൂട്ടിച്ചേര്ത്തു. കര്ണാടകയിലെ തെരഞ്ഞെടുപ്പ് റാലിക്കിടെ രാഹുല് നടത്തിയ പരാമര്ശത്തിനെതിരെയാണ് സുശീല് കുമാര് മോദി കേസ് നല്കിയത്.
കള്ളന്മാരുടെയെല്ലാം പേരുകളില് എങ്ങനെയാണ് മോദി എന്ന് വന്നത്. നരേന്ദ്ര മോദി, ലളിത് മോദി, നീരവ് മോദി എല്ലാവരുടേയും പേരില് മോദിയുണ്ട്. ഇനി ഇതുപോലുള്ള എത്ര മോദിമാര് വരാനുണ്ടെന്ന് പറയാന് കഴിയില്ലെന്നുമായിരുന്നു രാഹുലിന്റെ പരാമര്ശം.