കാറുകൾ കയറ്റിവന്ന ട്രെയിലർ പാലത്തിൽ നിന്നും തോട്ടിലേക്ക് മറിഞ്ഞു. ഡ്രൈവറും ക്ലീനറും ഭാഗ്യവശാൽ രക്ഷപ്പെട്ടു. ചങ്ങനാശേരി-ആലപ്പുഴ റോഡിൽ കൊണ്ടൂർ കണ്വൻഷൻ സെന്ററിനു സമീപമുള്ള ഒന്നാംപാലത്തിൽ ഇന്നലെ പുലർച്ചെ രണ്ടിനാണ് അപകടമുണ്ടായത്. രാജസ്ഥാനിൽ നിന്നും ഹോണ്ടാ കന്പനിയുടെ കാറുകൾ കയറ്റി കോട്ടയത്തുള്ള ഷോറൂമിലേക്ക് പോയ ട്രെയിലറാണ് അപകടത്തിൽപ്പെട്ടത്. ആലപ്പുഴ ഭാഗത്തുനിന്നും വരികയായിരുന്ന ട്രെയിലർ ചങ്ങനാശേരി ഭാഗത്തുനിന്നും വന്ന വാഹനത്തിന് സൈഡ് കൊടുക്കുന്പോൾ കൈവരിയില്ലാതിരുന്ന പാലത്തിൽ നിന്നും തോട്ടിലേക്ക് മറിയുകയായിരുന്നു. ട്രെയിലറിന്റെ ഡ്രൈവർ മുംബൈ സ്വദേശി മുഹമ്മദ് അസ്വാഹ്, ക്ലീനർ അവിത്ത് എന്നിവരാണ് അപകടത്തിൽ നിന്നും അത്ഭുതകരമായി രക്ഷപ്പെട്ടത്. പാലത്തിനും നടപ്പാതക്കുമിടയിലേക്ക് വീണ പടുകൂറ്റണ് ട്രെയിലറിന് ഭാഗികനാശം സംഭവിച്ചു. ആറ് കാറുകളാണ് ട്രെയിലറിലുള്ളത്. മറിഞ്ഞതിന്റെ ആഘാതത്തിൽ കാറുകൾക്ക് നാശം സംഭവിക്കാനിടയുള്ളതായി സൂചനയുണ്ട്. ട്രെയിലർ ക്രെയിൻ ഉപയോഗിച്ച് ഉയർത്തി പരിശോധിച്ചെങ്കിൽ മാത്രമേ നഷ്ടത്തിന്റെ നിലവാരം നിജപ്പെടുത്താനാകുകയുള്ളു.
ചങ്ങനാശേരിയിൽ ട്രെയിലർ പാലത്തിൽ നിന്നും തോട്ടിലേക്ക് മറിഞ്ഞു
RELATED ARTICLES