മണിമലയാറ്റില് മീന് പിടിക്കുന്നതിനിടെ രണ്ടു യുവാക്കള് മുങ്ങിമരിച്ചു. പത്തനംതിട്ട നാരങ്ങാനം സ്വദേശി നിതിന് (21), തിരുവല്ല മഞ്ഞാടി സ്വദേശി ഗോകുല് (21) എന്നിവരാണു മരിച്ചത്.
ഞായറാഴ്ച ഉച്ചകഴിഞ്ഞ് രണ്ടരയോടെയായിരുന്നു അപകടം. തിരുവല്ല മനക്കച്ചിറയില് സുഹൃത്തുക്കള്ക്കൊപ്പം മീന് പിടിക്കാന് എത്തിയതായിരുന്നു ഇരുവരും. ഫയര്ഫോഴ്സും നാട്ടുകാരും പോലീസും ചേര്ന്നു നടത്തിയ തെരച്ചിലിനൊടുവില് വൈകിട്ട് ആറോടെ ഇരുവരുടെയും മൃതദേഹങ്ങള് കണ്ടെത്തി.
കറ്റോടു പാലത്തോടു ചേര്ന്ന് അടിയൊഴുക്കും ആഴവുമുള്ള ഭാഗത്താണ് ഇരുവരെയും കാണാതായത്. ഇത് തെരച്ചിലിനെ പ്രതികൂലമായി ബാധിച്ചു.