കേരള സന്ദര്‍ശനത്തിനുശേഷം പ്രധാനമന്ത്രി നരേന്ദ്ര മോദി അയല്‍രാജ്യമായ മാലിദ്വീപിലെത്തി. തുടര്‍ച്ചയായി രണ്ടാം തവണ പ്രധാനമന്ത്രിയായതിനു ശേഷമുള്ള മോദിയുടെ ആദ്യവിദേശ സന്ദര്‍ശനമാണിത്.
മാലിദ്വീപിലെത്തിയ മോദി പ്രസിഡന്‍റ് ഇബ്രാഹിം സോലിഹുമായി കൂടിക്കാഴ്ച നടത്തി. ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിന്‍റെ ഭാഗമായാണ് സന്ദര്‍ശനം.
അയല്‍ രാഷ്ട്രങ്ങളുമായുള്ള ഉഭയകക്ഷി ബന്ധം മെച്ചപ്പെടുത്തുന്നതാണ് രണ്ടാം മോദി സര്‍ക്കാറിന്‍റെ വിദേശനയം.
