ചികിത്സയുടെ മറവില്‍ പെണ്‍കുട്ടികളെ ലൈംഗികമായി പീഡിപ്പിക്കുകയും അപകീര്‍ത്തികരമായ ദൃശ്യങ്ങള്‍ പകര്‍ത്തുകയും ചെയ്ത ഡോക്ടര്‍ അറസ്റ്റില്‍. രാജസ്ഥാന്‍ ജോധ്പൂരിലെ യുനാനി ഡോക്ടര്‍ അബ്ദുള്‍ അസീസ് ഖാന്‍ ആണ് പൊലീസ് പിടിയിലായത്.ചികിത്സയ്‌ക്കെത്തുന്ന പെണ്‍കുട്ടികളുടെ സ്വകാര്യ ഭാഗങ്ങളില്‍ ഇയാള്‍ സ്പര്‍ശിക്കുന്ന ദൃശ്യങ്ങള്‍ പുറത്തുവന്നിട്ടുണ്ട്. ക്ലിനിക്കിലെ ചികിത്സാ മുറിയില്‍ ഇയാള്‍ തന്നെ മൊബൈല്‍ വെച്ച്, രോഗികളെ ലൈംഗികമായി ചൂഷണം ചെയ്യുന്ന ദൃശ്യങ്ങള്‍ പകര്‍ത്തുകയായിരുന്നു.താന്‍ വിദഗ്ധ ഡോക്ടറാണെന്നും സ്‌റ്റെതസ്‌കോപ്പിന്റെ ആവശ്യമില്ലെന്നും പറഞ്ഞ് കൈകൊണ്ടാണ് ഇയാളുടെ പരിശോധന. സംശയം തോന്നിയ ചിലര്‍ ഡോക്ടറുടെ മുറി പരിശോധിച്ചപ്പോള്‍ മൊബൈല്‍ കണ്ടെടുക്കുകയായിരുന്നു. ഇത് പരിശോധിച്ചപ്പോഴാണ് മോശം ദൃശ്യങ്ങള്‍ പകര്‍ത്തിയതായി കണ്ടെത്തിയത്. തുടര്‍ന്ന് ഈ ദൃശ്യങ്ങള്‍ സമൂഹ മാധ്യമങ്ങളില്‍ വൈറലായി. ഇതോടെ പൊലീസ് ഇയാളെ അറസ്റ്റ് ചെയ്യുകയായിരുന്നു.ജോധ്പൂരില്‍ ന്യൂ കോഹിനൂര്‍ സിനിമാ തിയേറ്ററിന് സമീപം ഇയാളുടെ പേരിലാണ് ക്ലിനിക്ക് പ്രവര്‍ത്തിച്ചു വന്നിരുന്നത്.
രോഗികളെ ലൈംഗികമായി ചൂഷണം ചെയ്യുന്ന ദൃശ്യങ്ങള്‍
RELATED ARTICLES
