മൂന്നു വയസ്സുകാരിയുടെ വായിൽ യുവാവ് പടക്കംവച്ച് പൊട്ടിച്ചു. സ്ഫോടനത്തില് ഗുരുതര പരിക്കേറ്റ പെണ്കുട്ടി അത്യാസന്ന നിലയിലാണ് . കുട്ടിയെ ആശുപത്രിയില് പ്രവേശിപ്പിച്ചു. ദീപാവലി ആഘോഷത്തിനിടെ ദുരാല റോഡിലെ മിലക് ഗ്രാമത്തിൽ ചൊവ്വാഴ്ചയാണ് ക്രൂരമായ സംഭവം നടന്നത്. അക്രമികൾക്കെതിരെ പോലീസ് എഫ് ഐ ആർ രജിസ്റ്റർ ചെയ്തു. പ്രദേശവാസിയായ ഹര്പാല് ആണ് ക്രൂരകൃത്യം നടത്തിയത്. പെണ്കുട്ടിയുടെ പിതാവ് ശശി കുമാര് ഇയാള്ക്കെതിരെ പോലീസില് പരാതി നല്കി. പോലീസ് കേസെടുത്ത് അന്വേഷണം ആരംഭിച്ചു. പ്രതി ഒളിവിലാണ്. പെണ്കുട്ടിയുടെ വായില് അമ്ബതോളം കുത്തിക്കെട്ടുകളാണ് വേണ്ടിവന്നത്. എന്നാല് മുറിവുകളില് അണുബാധ ഉണ്ടായതോടെ കുട്ടി ഗുരുതരാവസ്ഥയിലാണ്.