കയറോ അതുപോലുള്ള വള്ളികളോ റോഡിനു കുറുകെ കെട്ടി ഒരു കാരണവശാലും ഗതാഗതം തടയരുതെന്ന് സംസ്ഥാന മനുഷ്യാവകാശ കമീഷന് അധ്യക്ഷന് ജസ്റ്റീസ് ആന്റണി ഡൊമിനിക്. വാഹനങ്ങള് വഴി തിരിച്ചുവിടാന് പോലീസ് ഉദ്ദേശിക്കുന്ന സ്ഥലത്തിന് മുമ്ബ് തന്നെ വഴി തിരിയണം എന്ന ബോര്ഡ് സ്ഥാപിക്കണമെന്നും കമ്മീഷന് ആവശ്യപ്പെട്ടു. അത്തരം സ്ഥലങ്ങളില് ട്രാഫിക് പോലീസ് ഉദ്യോഗസ്ഥരെ ജോലിക്ക് നിയോഗിക്കണം.ഗതാഗതം നിയന്ത്രിക്കുന്നതിനുള്ള ബാരിക്കേഡും റിഫ്ളക്റ്ററുകളുള്ള ബോര്ഡുകളും ഡ്രൈവര്മാര്ക്ക് വളരെ അകലെ നിന്ന് കാണാവുന്ന തരത്തില് സ്ഥാപിക്കണമെന്നും ജസ്റ്റീസ് ആന്റണി ഡൊമിനിക് ആവശ്യപ്പെട്ടു. സംസ്ഥാന പോലീസ് മേധാവി ഇക്കാര്യത്തില് അടിയന്തിര നടപടി സ്വീകരിക്കണമെന്നും കമ്മീഷന് ആവശ്യപ്പെട്ടു.
കയര് കെട്ടി റോഡിൽ ഗതാഗതം തടയരുതെന്ന് മനുഷ്യാവകാശ കമ്മീഷന്
RELATED ARTICLES