അര്‍ജുന്‍റെ മരണം;സിബിഐ അന്വേഷിക്കണമെന്ന് ചെന്നിത്തല

chennithala

നെട്ടൂരില്‍ കൊല്ലപ്പെട്ട അര്‍ജുന്‍റെ മരണത്തില്‍ സിബിഐ അന്വേഷണം വേണമെന്ന് പ്രതിപക്ഷനേതാവ് രമേശ് ചെന്നിത്തല. അര്‍ജുന്‍റെ വീട്ടില്‍ രമേശ് ചെന്നിത്തല സന്ദര്‍ശനം നടത്തി. അര്‍ജുനെ കണ്ടെത്തുന്നതില്‍ പൊലീസിന്‍റെ ഭാഗത്തു നിന്നും ഗുരുതരമായ വീഴ്ചയുണ്ടായിട്ടുണ്ടെന്നും അദ്ദേഹം ആരോപിച്ചു. അര്‍ജുന്‍റെ മരണത്തില്‍ സിബിഐ അന്വേഷണം ആവശ്യപ്പെട്ട് മുഖ്യമന്ത്രിക്ക് കത്ത് നല്‍കുമെന്നും അദ്ദേഹം വ്യക്തമാക്കി.

അര്‍ജുന്‍റെ വധത്തില്‍ പല ദുരൂഹതകളും നിലനില്‍ക്കുന്നുണ്ട്. പ്രതികളെ പൊലീസിന് പിടിച്ചു കൊടുത്തത് നാട്ടുകാരാണ്. ഈ കേസില്‍ പൊലീസിന്‍റെ ഭാഗത്തു നിന്നും ഗുരുതരമായ കൃത്യവിലോപവും അലംഭാവവും ഉണ്ടായെന്ന കാര്യം ഉറപ്പാണ്. അഭ്യന്തരവകുപ്പിന്‍റെ പരാജയമാണ് ഇതില്‍ നിന്നും വ്യക്തമാക്കുന്നത്. അര്‍ജുനെ കാണാനില്ലെന്ന പരാതി ലഭിച്ചിട്ടും കൃത്യമായ അന്വേഷണം നടത്താതിരുന്ന പൊലീസുകാര്‍ക്ക് എതിരെയും അന്വേഷണം വേണം. രമേശ് ചെന്നിത്തല പറഞ്ഞു.