റബ്ബര്‍ ഫാക്ടറിയില്‍ തീപ്പിടുത്തം. അപകടത്തില്‍ അഞ്ച് പേര്‍ വെന്തു മരിച്ചു. ഡല്‍ഹിയിലാണ് ദാരുണ സംഭവം വ്യാവസായിക മേഖലക്ക് അകത്തുള്ള ഫാക്ടറിയിലാണ് തീ പടര്‍ന്ന് പിടിച്ചത്. മണിക്കൂറുകളോളം ശ്രമിച്ചിട്ടും തീ നിയന്ത്രണ വിധേയമാക്കാന്‍ കഴിഞ്ഞിട്ടില്ല.
രാവിലെ ഒന്‍പതരയോടെയാണ് ഫാക്ടറിക്ക് തീപിടിച്ചത്. തീ വ്യാപിക്കാനുള്ള സാധ്യത കണക്കിലെടുത്ത് കൂടുതല്‍ ഫയര്‍ ഫോഴ്സ് യൂണിറ്റുകള്‍ സ്ഥലത്തെത്തി. 26 ഫയര്‍ഫോഴ്സ് യൂണിറ്റുകളാണ് തീയണയ്ക്കാന്‍ എത്തിയത്. തീപിടിക്കാനുള്ള കാരണം ഇതുവരെ വ്യക്തമായിട്ടില്ല, സംഭവത്തില്‍ പൊലീസ് അന്വേഷണം പ്രഖ്യാപിച്ചു.
