മലങ്കര സുറിയാനി ക്നാനായ സുവിശേഷ സമാജത്തിന്‍റെ വാർഷിക ധ്യാനയോഗവും വചനപ്രഘോഷണവും ഇന്നു മുതൽ 15 വരെ സെന്‍റ് തോമസ് വലിയപള്ളിയിൽ നടക്കും.
ഇന്നു രാവിലെ 10.30ന് മിഷൻ ഡയറക്ടർ റവ. ഡോ. എ.ടി. ഏബ്രഹാം ആലുംമൂട്ടിൽ വിഷയം അവതരിപ്പിക്കും. 11.15ന് റവ. ഡോ. കെ.എ. ഏബ്രഹാം, ഉച്ചകഴിഞ്ഞു രണ്ടിനും രാത്രി 7.30നും ഫാ. എൽദോസ് പാലക്കുന്നേൽ എന്നിവർ പ്രസംഗിക്കും.
14ന് രാവിലെ 10.30ന് റവ. പൗലോസ് പാറേക്കര കോർ എപ്പിസ്കോപ്പ, ഉച്ചകഴിഞ്ഞു 1.45ന് ഫാ. തോമസ് ഏബ്രഹാം മലേക്കേരിൽ, രാത്രി 7.45ന് ഫാ. അഭിലാഷ് ഏബ്രഹാം എന്നിവർ പ്രസംഗിക്കും. 15നു രാവിലെ 8.30ന് വിശുദ്ധ കുർബാന, 10.45ന് ജോർജുകുട്ടി അഗസ്റ്റിൻ പ്രസംഗിക്കും. ഉച്ചകഴിഞ്ഞു 1.30ന് ഭവന പദ്ധതിയുടെ താക്കോൽദാനവും റഹ്‌മോ ഡയാലിസിസ് പദ്ധതിയുടെ ഉദ്ഘാടനവും മന്ത്രി ജി. സുധാകരൻ നിർവഹിക്കും.
ആർച്ച്ബിഷപ് കുര്യാക്കോസ് മാർ സേവേറിയോസ് വലിയ മെത്രാപ്പോലീത്ത അധ്യക്ഷത വഹിക്കും. മെത്രാപ്പോലീത്തമാരായ കുര്യാക്കോസ് മാർ ഗ്രീഗോറിയോസ്, കുര്യാക്കോസ് മാർ ഈവാനിയോസ് എന്നിവർ അനുഗ്രഹ പ്രഭാഷണങ്ങൾ നടത്തും.
