അപൂർവ്വമായ അശ്ലീല ദൃശ്യങ്ങളുടെ ശേഖരം നശിപ്പിച്ചതിന് മാതാപിതാക്കൾക്കെതിരെ മകൻ കേസ് കൊടുത്തു .തന്റെ പക്കലുണ്ടായിരുന്ന അശ്ലീല ദൃശ്യങ്ങളുടെ ശേഖരം നശിപ്പിച്ചതിന് മതാപിതാക്കള്‍ക്കെതിരെ കോടതിയില്‍ 86,000 ഡോളറിന്റെ (60 ലക്ഷം) നഷ്ടപരിഹാര കേസ്സാണ് മകന്‍ നൽകിയിരിക്കുന്നത്. അമേരിക്കയിലെ മിചിഗണ്‍ സ്വദേശികളായ ദമ്പതികള്‍ക്കെതിരെയാണ് മകന്റെ പരാതി, 2016ല്‍ വിവാഹ മോചിതനായതോടെ മാതാപിതാക്കള്‍ക്കൊപ്പമാണ് മകന്‍ താമസിച്ചിരുന്നത്. ഒരു വര്‍ഷം തികയുന്നതിന് മുന്‍പ് തന്നെ പുതിയ വീട്ടിലേക്ക് ഇയാള്‍ താമസം മാറുകയും ചെയ്തു. പുതിയ വീട്ടിലേക്ക് താമസം മാറിയതോടെ മകന്റെ സധനങ്ങള്‍ അയച്ചു നല്‍കിയത് മാതാപിതാക്കളായിരുന്നു. എന്നാല്‍ ഇയാള്‍ നിധിപോലെ സൂക്ഷിച്ചിരുന്ന പോര്‍ണ്‍ സിനിമകളുടെയും ദൃശ്യങ്ങളുടെയും 12 പെട്ടികള്‍ മാത്രം പുതിയ വീട്ടില്‍ എത്തിയില്ല. ഇത് മതാപിതാക്കള്‍ നശിപ്പിച്ചു എന്ന് വ്യക്തമായതോടെ മാതാപിതാക്കള്‍ക്കെതിരെ ഇയാള്‍ കോടതിയെ സമീപിക്കുകയായിരുന്നു. മകന്റെ നന്‍‌മക്ക് വേണ്ടി അശ്ലീല ദൃശ്യങ്ങള്‍ അടങ്ങിയ സി ഡികള്‍ താനാണ് നശിപ്പിച്ചത് എന്ന് പരാതിക്കാരന്റെ പിതാവ് കോടതിയില്‍ വ്യക്തമാക്കിയതായാണ് അന്തര്‍ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
എന്നാല്‍ കേസില്‍ യതൊരു ഒത്തുതീര്‍പ്പിനും മകന്‍ തയ്യാറാവുന്നില്ല. ഇനിയൊരിക്കലും ലഭിക്കാന്‍ ഇടയില്ലാത്തതും അപൂര്‍വുമായ അശ്ലീല സിനിമകളാണ് തന്റെ ശേഖരത്തില്‍ ഉണ്ടായിരുന്നത് എന്നാണ് മകന്റെ വാദം. വിലമതിക്കാനാവാത്ത തന്റെ അശ്ലീല സിനിമാ ശേഖരം നശിപ്പിച്ചതിന് മാതാപിതാക്കള്‍ നഷ്ടപരിഹാരം നല്‍കണം എന്ന ആവശ്യത്തില്‍ ഉറച്ചുനില്‍ക്കുകയാണ് മകന്‍. പ്രായപൂര്‍ത്തിയായവര്‍ അശ്ലീല ദൃശ്യങ്ങള്‍ കാണുന്നതും കൈവശം വക്കുന്നതും അമേരിക്കയില്‍ നിയമവിധേയമാണ്.
അശ്ലീല ദൃശ്യങ്ങളുടെ ശേഖരം നശിപ്പിച്ചതിന് മാതാപിതാക്കൾക്കെതിരെ മകൻ കേസ് കൊടുത്തു
RELATED ARTICLES
