സാമ്പത്തിക രംഗത്ത് പ്രതീക്ഷിച്ചതിനേക്കാള്‍ വലിയ തിരിച്ചടിയാണ് ഉണ്ടായതെന്ന് ആര്‍.ബി.ഐ ഗവര്‍ണര്‍ ശക്തികാന്ദ ദാസ്. ആദ്യപാദത്തില്‍ 5.7 ശതമാനത്തിലെത്തുമെന്ന് കണക്കുകൂട്ടിയ ജി.ഡി.പി അഞ്ച് ശതമാനത്തിലേക്ക് ഇടിഞ്ഞത് അപ്രതീക്ഷിതമായിരുന്നുവെന്നും അദ്ദേഹം പറഞ്ഞു. 2013 മുതലുള്ള ഏറ്റവും മോശമായ സാമ്പത്തിക സ്ഥിതിയാണ്. കാര്യങ്ങൾ വിശകലനം ചെയ്തുകൊണ്ടിരിക്കുകയാണെന്നും അദ്ദേഹം പറഞ്ഞു. സി.എൻ.ബി.ബി.സി-ടി.വി18 ന് നൽകിയ അഭിമുഖത്തിലാണ് ആർ.ബി.ഐ ഗവർണർ ഇക്കാര്യങ്ങൾ പറഞ്ഞത്. സമ്പദ് രംഗത്തെ ഉത്തേജനത്തിനായി സര്‍ക്കാര്‍ നടപടികള്‍ പ്രഖ്യാപിക്കുന്നുണ്ട്. സ്ഥിതി നീണ്ടു നില്‍ക്കുകയാണെങ്കില്‍ ധനകമ്മിയെ ബാധിക്കാന്‍ ഇടയുണ്ടെന്നും ഗവർണർ പറഞ്ഞു.
സാമ്പത്തിക രംഗത്ത് വലിയ തിരിച്ചടിയെന്ന് ആര്‍.ബി.ഐ ഗവര്‍ണര്‍ ശക്തികാന്ദ ദാസ്
RELATED ARTICLES
