ശബരിമലയില് സ്ത്രീ പ്രവേശനം അനുവദിച്ച സുപ്രീം കോടതി വിധിക്കെതിരേ പ്രതിഷേധിക്കുന്നവര് നിലയ്ക്കലില് വാഹനം തടഞ്ഞ് തമിഴ്നാട് സ്വദേശികളായ ദമ്പതികളെ മര്ദിച്ചു. പമ്പയിലും നിലയ്ക്കലിലുമായി കൂടുതല് പോലീസിനെ വിന്യസിച്ചെങ്കിലും രാത്രിയിലും വാഹനപരിശോധനയുമായി സമരക്കാര് തെരുവിലിറങ്ങുകയായിരുന്നു. രാത്രിയിൽ തമിഴ്നാട്ടില് നിന്നെത്തിയ ഒരു തീര്ഥാടകസംഘത്തിന്റെ ബസ് തടയുകയും അതിലുണ്ടായിരുന്ന സ്ത്രീയെയും ഭര്ത്താവിനെയും മര്ദിക്കുകയും ചെയ്തു. സ്ത്രീകള് തന്നെയാണ് ബസ് തടഞ്ഞ് അതിലുണ്ടായിരുന്ന സ്ത്രീയെ പുറത്തിറക്കി മര്ദിച്ചത്. ഇവരെ പിന്നീട് പോലീസ് ജീപ്പില് സ്ഥലത്തുനിന്നു മാറ്റി. അതേസമയം, പമ്പയിലും സന്നിധാനത്തും പ്രതിഷേധ പരിപാടികള് നിരോധിച്ച് പോലീസ് ഉത്തരവിറക്കിയിട്ടുണ്ട്. തീര്ഥാടകരുമായി വരുന്ന വാഹനങ്ങള് നിലയ്ക്കല് പാര്ക്ക് ചെയ്യണം. അവിടെനിന്ന് കെഎസ്ആര്ടിസി ബസുകളില് പമ്പയിലേക്കു പോകണം. സ്വകാര്യ വാഹനങ്ങള് പമ്പയിലേക്കു കടത്തിവിടില്ലെന്ന് പോലീസ് അറിയിച്ചിട്ടുണ്ട്.
ശബരിമല വിധി; പ്രതിഷേധിക്കുന്നവര് നിലയ്ക്കലില് വാഹനം തടഞ്ഞ് ദമ്പതികളെ മര്ദിച്ചു
RELATED ARTICLES