ഗാന്ധിവധക്കേസില് കുറ്റവിചാരണക്ക് വിധേയനായ ഹിന്ദുമഹാസഭ നേതാവ് വിനയ് ദാമോദര് സവര്ക്കര്ക്ക് ഭാരത് രത്ന നല്കാന് മുന്നൊരുക്കവുമായി ബി.ജെ.പി. പുതിയ നീക്കം വിവാദത്തിന് തുടക്കമിടുകയും ചെയ്തു.
സവര്ക്കര്ക്ക് ഭാരത രത്ന നല്കാന് മോദിസര്ക്കാറില് സമ്മര്ദം ചെലുത്തുമെന്നാണ് മഹാരാഷ്ട്ര നിയമസഭ തെരഞ്ഞെടുപ്പിന് ബി.ജെ.പി പ്രകടന പത്രികയിലെ വാഗ്ദാനം. നിയമസഭ തെരഞ്ഞെടുപ്പ് ജയത്തിനായി ഇറക്കുന്ന തുറുപ്പു ചീട്ടു മാത്രമല്ല ഇതെന്ന് ചൂണ്ടിക്കാണിക്കപ്പെടുന്നു. മഹാരാഷ്ട്രയില് ബി.ജെ.പി സഖ്യമാണ് അധികാരത്തില്. വീണ്ടും അധികാരത്തില് വരാനുള്ള സാധ്യത തള്ളാനുമാവില്ല. സവര്ക്കര്ക്ക് ഭാരത് രത്നത്തിന് ശ്രമിക്കുമെന്ന വാഗ്ദാനം ജയത്തിന് നിര്ബന്ധ ഘടകമല്ല. എന്നിട്ടും പ്രകടന പത്രികയുടെ ഭാഗമായത്, ബി.ജെ.പി നീക്കം വ്യക്തമാക്കുന്നു.
ഇന്ത്യ ഹിന്ദുരാഷ്ട്രമാകണമെന്ന് ശക്തമായി വാദിച്ച ഹിന്ദുത്വവാദിയാണ് സവര്ക്കര്. ഇത്തവണ നാഗ്പുരില് വിജയദശമി പ്രസംഗത്തില് ആര്.എസ്.എസ് നേതാവ് മോഹന് ഭാഗവത് ഹിന്ദുരാഷ്ട്ര ലക്ഷ്യം ആവര്ത്തിച്ചു പറഞ്ഞിരുന്നു. രാജ്യത്തിന്റെ പരമോന്നത സിവിലിയന് ബഹുമതി നല്കി സവര്ക്കറെ ആദരിക്കണമെന്ന കാഴ്ചപ്പാട് ബി.ജെ.പി സഖ്യകക്ഷി ശിവസേനക്കുണ്ട്.
മഹാരാഷ്ട്ര ഫലം എന്തായാലും, സവര്ക്കര്ക്ക് ഭാരത് രത്ന നല്കാനുള്ള പുറപ്പാടിലാണ് ബി.ജെ.പിയെന്ന് വ്യക്തമാക്കുന്നതാണ് വാഗ്ദാനം. കോണ്ഗ്രസിെന്റയും മറ്റു പാര്ട്ടികളുടെയും പതിറ്റാണ്ടു നീണ്ട ഭരണത്തില് തഴയപ്പെട്ടുവെന്നു ബി.ജെ.പി കരുതുന്ന ഹിന്ദുത്വാശയ നേതാക്കളെ രാജ്യത്തിന്റെ ദേശീയ നേതാക്കളുടെ പട്ടികയില് കൊണ്ടുവരാനുള്ള ആസൂത്രണമാണ് ഇതുവഴി പുരോഗമിക്കുന്നത്.
ജനസംഘം നേതാവ് നാനാജി ദേശ്മുഖിന് കഴിഞ്ഞ തവണ ഭാരത് രത്ന നല്കിയിരുന്നു. മഹാത്മഗാന്ധിയുടെ 150ാം ജന്മവാര്ഷിക വേളയിലാണ് സവര്ക്കര്ക്ക് ഭാരത് രത്നമെന്ന വാഗ്ദാനം ബി.െജ.പി ഉയര്ത്തുന്നത്. ഒരു വശത്ത് ഗാന്ധിയെ ഏറ്റുപിടിക്കുേമ്ബാള് തന്നെയാണ്, ഗാന്ധിവധ കേസില് കുറ്റവിചാരണ നേരിട്ട ഹിന്ദുത്വ നേതാവിന് പരമോന്നത ബഹുമതിക്കുള്ള ഒരുക്കം. ബ്രിട്ടീഷ് സാമ്രാജ്യത്വ കാലത്ത് അന്തമാന് ജയിലില് അടക്കപ്പെട്ട സവര്ക്കര് ജയില് മോചിതനാകാന് ആറു വട്ടം ബ്രിട്ടീഷുകാര്ക്ക് മാപ്പപേക്ഷ എഴുതി നല്കിയതും 1937ല് ഇതേതുടര്ന്ന് വിട്ടയക്കപ്പെട്ടതും പുതിയ വിവാദത്തിനൊപ്പം ചര്ച്ച ചെയ്യപ്പെടുന്നുണ്ട്.