Friday, March 29, 2024
HomeNationalബംഗളൂരുവില്‍ സണ്ണി ലിയോണ്‍ പങ്കെടുക്കുന്ന ന്യൂ ഇയർ പരിപാടിക്ക് അനുമതി നിഷേധിച്ചു

ബംഗളൂരുവില്‍ സണ്ണി ലിയോണ്‍ പങ്കെടുക്കുന്ന ന്യൂ ഇയർ പരിപാടിക്ക് അനുമതി നിഷേധിച്ചു

ബോളിവുഡ് താരം സണ്ണി ലിയോണ്‍ പങ്കെടുക്കുന്ന പുതുവര്‍ഷ ആഘോഷത്തിനെതിരെ കര്‍ണാടകത്തില്‍ പ്രതിഷേധം. ബംഗളൂരുവില്‍ നടക്കുന്ന പാര്‍ട്ടിയില്‍ സണ്ണി ലിയോണ്‍ പങ്കെടുത്താല്‍ കൂട്ട ആത്മഹത്യ ചെയ്യുമെന്ന ഭീഷണിയുമായി കര്‍ണാടക രക്ഷണ വേദികെ പ്രവര്‍ത്തകരാണ് രംഗത്തെത്തിയത്. സണ്ണി നൈറ്റ് ഇന്‍ ബംഗളൂരു ന്യൂ ഇയര്‍ ഈവ് 2018 എന്ന പരിപാടിക്കെതിരെയാണ് പ്രതിഷേധം. പ്രതിഷേധത്തെ തുടര്‍ന്ന് ന്യൂ ഇയർ പരിപാടിക്ക് കര്‍ണാടക സര്‍ക്കാര്‍ അനുമതി നിഷേധിച്ചു. സണ്ണി ലിയോണിനെതിരെ കര്‍ണാടകയുടെ വിവിധ ഭാഗങ്ങളില്‍ പ്രതിഷേധ പ്രകടനങ്ങള്‍ നടന്നു. പ്രതിഷേധക്കാര്‍ സണ്ണി ലിയോണിന്റെ പോസ്റ്ററുകള്‍ കത്തിച്ചു. പരിപാടി റദ്ദാക്കിയില്ലെങ്കില്‍ ഡിസംബര്‍ 31ന് കൂട്ട ആത്മഹത്യ ചെയ്യുമെന്നാണ് രക്ഷണ വേദികെ പ്രവര്‍ത്തകരുടെ ഭീഷണി. സാംസ്‌കാരിക പാരമ്പര്യത്തിനെതിരാണ് പരിപാടിയെന്നാണ് ഇവരുടെ വിമര്‍ശം. നടിയുടെ വേഷമാണ് പ്രശ്‌നം. എന്നാല്‍ സണ്ണി ലിയോണ്‍ സാരി ധരിച്ചുവന്നാല്‍ പരിപാടി കാണാന്‍ പോകുമെന്ന് സംഘടനയിലെ ഒരു വിഭാഗം പറയുന്നു. കര്‍ണ്ണാടകയിലെ സ്ത്രീകളുടെയും കുട്ടികളുടെയും മാന്യമായ ജീവിതത്തെയും പാരമ്പര്യത്തെയും വെല്ലുവിളിക്കുന്ന ജീവിതരീതിയാണ് സണ്ണി ലിയോണിയുടേത് എന്നാണ് സേനയുടെ വാദം. സാരിയുടുത്ത് മാന്യമായി നൃത്തം ചെയ്യുകയാണെങ്കില്‍ മാത്രം കര്‍ണ്ണാടകയില്‍ സണ്ണി ലിയോണിയെ സ്വാഗതം ചെയ്യുമെന്നാണ് പ്രതിഷേധക്കാര്‍ പറയുന്നത്. ഈ നിര്‍ദ്ദേശങ്ങള്‍ അനുസരിക്കാമെങ്കില്‍ മാത്രം കര്‍ണ്ണാടകയില്‍ നടക്കുന്ന സണ്ണിയുടെ പുതുവര്‍ഷ നൃത്തത്തെ അംഗീകരിക്കാമെന്നും അവര്‍ പറഞ്ഞു. അതേസമയം കുടുംബത്തോടെ ആളുകള്‍ പങ്കെടുക്കുന്ന പരിപാടിയാണ് സംഘടിപ്പിക്കുന്നതെന്നും മോശമായി ഒന്നും അവിടെ നടക്കില്ലെന്നുമാണ് സംഘാടകരുടെ വിശദീകരണം.

RELATED ARTICLES
- Advertisment -

Most Popular

Recent Comments