വിശുദ്ധ ജോസഫ് പിതാവിന്റെ തിരുനാൾ ന്യൂയോർക്ക് ലോങ്ങ്ഐലൻഡ് പള്ളിയിൽ

ന്യൂയോർക്ക് ലോങ്ങ്ഐലൻഡ് സെന്റ് ജോസഫ് ക്നാനായ പള്ളിയിൽ വിശുദ്ധ ജോസഫ് പിതാവിന്റെ തിരുനാൾ ആഘോഷിച്ചു. തിരുനാളിന്റെ ഭാഗമായി വിശുദ്ധ മൂന്നിന്മേൽ കുർബാനയും വർണ്ണശമ്പളമായ റാസയും നടത്തി. വിശുദ്ധ മൂന്നിന്മേൽ കുർബാനക്ക് ആർച്ച്‌ ബിഷപ്പ് ആയൂബ്‌ മാർ സിൽവാനിയോസ് മെത്രാപ്പോലീത്ത , കുരിയാക്കോസ് മാർ ഗ്രീഗോറിയോസ്മെത്രാപ്പോലീത്ത, കുറിയാക്കോസ്‌ മാർ ഈവാനിയോസ് മെത്രാപ്പോലീത്ത എന്നിവർ മുഖ്യകാർമ്മികത്വം വഹിച്ചു. സഹകാർമ്മികരായി വികാരി ഫാ. സി എ. തോമസ് ചിറത്തലക്കൽ , ഫാ. തോമസ് എബ്രഹാം ളാഹയിൽ , ഫാ. ജൂബി ജേക്കബ് തോപ്പിൽ തുടങ്ങിയവർ സഹകാർമ്മികരായിരുന്നു. തുടർന്ന് കുരിയാക്കോസ് മാർ ഈവാനിയോസ് മെത്രാപ്പോലിത്ത അനുഗ്രഹ പ്രഭാഷണം നടത്തി. ജൂലിയാന ഏലാംകുളത്തിന്റെ സംഗീതവിരുന്നിനെ തുടർന്ന് വാദ്യമേളത്തിന്റെയും മുത്തുക്കുടകളുടെയും അകമ്പടിയോടെ വെട്ടുകുട , മേക്കട്ടി , പൊൻവെള്ളികുരിശുകൾ എന്നിവ വഹിച്ചുകൊണ്ട് വിശ്വാസികൾ ഭക്തിനിർഭരമായി റാസയിൽ പങ്കെടുത്തു. ചെറി ഏലാംകുളം മരക്കുരിശ് വഹിച്ചുകൊണ്ട് റാസയ്ക്കു നേതൃത്വം നൽകി. റാസയ്ക്ക് ശേഷം നേർച്ചവിളമ്പോടുകൂടി പെരുന്നാൾ സമാപിച്ചു. ചെറി ആൻഡ് സിന്ധു ഏലാംകുളം കുടുംബം ഈ വർഷത്തെ പെരുന്നാൾ സ്പോൺസർ ചെയ്തു.