ഡൽഹി മെട്രോ ട്രെയിൻ പരീക്ഷണ ഓട്ടത്തിനിടെ അപകടത്തിൽപ്പെട്ടു. ക്രിസ്മസ് ദിനത്തിൽ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യാൻ നിശ്ചയിച്ചിട്ടുള്ള മജന്ത ലൈനിലൂടെ ഓടിയ ട്രെയിനാണ് അപകടത്തിൽപ്പെട്ടത്. പരീക്ഷണ ഓട്ടത്തിനിടെ ട്രെയിൻ മതിൽ ഇടിച്ചുതകർക്കുകയായിരുന്നു. അപകടത്തിൽ ആർക്കും പരിക്കേറ്റിട്ടില്ല. ട്രെയിനിന്റെ ഓട്ടോമാറ്റിക് ബ്രേക്ക് സംവിധാനം പ്രവർത്തനരഹിതമായതാണ് അപകടകാരണമെന്നാണ് പ്രാഥമിക അന്വേഷണത്തിൽ ലഭിക്കുന്ന റിപ്പോർട്ടുകൾ. ട്രെയിനിന്റെ രണ്ടു കോച്ചുകൾ ഭാഗികമായി തകർന്നു. കാളിന്ദി കുഞ്ജിൽ മതിൽ തകർത്ത് ട്രെയിൻ പുറത്തുവന്നെങ്കിലും നിലത്തുവീഴാതിരുന്നത് വൻ അപകടമൊഴിവാക്കി. കൽക്കാജി മന്ദിറിൽനിന്നു ബൊട്ടാണിക്കൽ ഗാർഡനിലേക്കുള്ള മജന്ത ലൈൻ സർവീസ് നീട്ടൽ ഈ മാസം 25ന് പ്രധാനമന്ത്രി ഉദ്ഘാടനം ചെയ്യാനുള്ളതാണ്. അപകടത്തോടെ ഉദ്ഘാടനക്കാര്യത്തിൽ തീരുമാനം പുനപരിശോധിക്കുമെന്ന് അധികൃതർ അറിയിച്ചു. ഡൽഹിയിലെ ജനകാപുരിയിൽനിന്നു നോയിഡയിലേക്കാണ് മജന്ത ലൈൻ സർവീസ് നടത്തുന്നത്.
പ്രധാനമന്ത്രി ഉദ്ഘാടനം ചെയ്യാൻ നിശ്ചയിച്ചിട്ടുള്ള മജന്ത ലൈനിലൂടെ ഓടിയ ട്രെയിൻ അപകടത്തിൽപ്പെട്ടു
RELATED ARTICLES