ശബരിമലയില് ദര്ശനത്തിനെത്തിയ സ്ത്രീകളെ മല കയറുന്നതില് നിന്നു ഭീഷണിപ്പെടുത്തിയെന്ന കേസില് റിമാന്ഡിലായ അയ്യപ്പ ധര്മസേനാ പ്രസിഡന്റ് രാഹുല് ഈശ്വറിനു ജാമ്യം ലഭിച്ചു. രാഹുല് ഈശ്വര് ഉള്പ്പെടെ 19 പേര്ക്കാണ് ജാമ്യം ലഭിച്ചത്. റാന്നി മജിസ്ട്രേറ്റ് കോടതിയാണ് ഇവര്ക്ക് ജാമ്യം അനുവദിച്ചത്. മല കയറാനായെത്തിയ ആന്ധ്ര സംഘത്തെയാണു രാഹുല് ഈശ്വര് അടങ്ങിയ പ്രതിഷേധക്കാര് തടഞ്ഞത്. പോലീസ് സുരക്ഷയില് പമ്പ കടന്ന് സ്വാമി അയ്യപ്പന് റോഡില് പ്രവേശിച്ച കുടുംബത്തെ പോലീസ് പിന്മാറിയതോടെ തടയുകയായിരുന്നു. ഭീഷണിപ്പെടുത്തിയാണ് ഇവരെ പിന്തിരിപ്പിച്ചത്. മല കയറുന്നതിന് യുവതികളെത്തിയാല് അവരെ പമ്പയില് തടയുമെന്ന് രാഹുല് ഈശ്വര് ഭീഷണിപ്പെടുത്തിയിരുന്നു. കേസില് രാഹുല് ഈശ്വറിനെ 14 ദിവസത്തേക്ക് കോടതി റിമാന്ഡ് ചെയ്തിരുന്നു.
രാഹുല് ഈശ്വര് ഉള്പ്പെടെ 19 പേര്ക്ക് റാന്നി മജിസ്ട്രേറ്റ് കോടതി ജാമ്യം അനുവദിച്ചു
RELATED ARTICLES