നടിയെ ആക്രമിച്ച കേസിലെ കുറ്റപത്രം ചോര്ന്ന സംഭവത്തില് അന്വേഷണം ആവശ്യപ്പെട്ട് നടന് ദിലീപ് സമര്പ്പിച്ച ഹര്ജിയില് വിധി പറയുന്നത് കോടതി ജനുവരി ഒമ്പതിലേക്ക് മാറ്റി. അങ്കമാലി മജിസ്ട്രേറ്റ് കോടതിയുടേതാണ് നടപടി. ഫയലിൽ സ്വീകരിക്കും മുന്പ് കുറ്റപത്രം ചോർന്നതിനാൽ കുറ്റപത്രം റദ്ദാക്കണമെന്നുമാണ് ദിലീപിന്റെ ആവശ്യം. എന്നാൽ, അന്വേഷണ സംഘത്തിന്റെ പക്കൽ നിന്നും കുറ്റപത്രം ചോർന്നിട്ടില്ലെന്നും, വിവരങ്ങൾ ദിലീപാണ് മാധ്യമങ്ങൾക്ക് ചോർത്തി നൽകിയതെന്നുമാണ് പ്രോസിക്യൂഷന്റെ നിലപാട്.വാദത്തിനിടെ ദിലീപിനെതിരെ രൂക്ഷമായ വിമര്ശനങ്ങളായിരുന്നു പ്രോസിക്യൂഷന് ഉയര്ത്തിയത്. വാദത്തിനിടെ ദിലീപിനെതിരെ രൂക്ഷമായ വിമര്ശനങ്ങളായിരുന്നു പ്രോസിക്യൂഷന് ഉയര്ത്തിയത്. ദിലീപ് ഹരിശ്ചന്ദ്രനൊന്നുമല്ലെന്നും കേസിലെ ഫോണ് രേഖകള് ഉള്പ്പെടെയുള്ള വിവരങ്ങള് മാധ്യമങ്ങള്ക്ക് ചോര്ത്തി നല്കിയത് ദിലീപ് തന്നെയാണെന്നും പ്രോസിക്യൂഷന് വാദിച്ചു.